قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ مالىمەتىنشە، شىمكەنت قالاسىنا جىل باسىنان بەرى كوشىپ كەلگەن 798 وتباسىنداعى 1099 ازاماتقا قانداس مارتەبەسى بەرىلدى. ەلگە ورالعانداردىڭ كوپشىلىگى وزبەكستان، اۋعانستان، قىتاي جانە رەسەي ەلىنەن كوشىپ كەلىپ، قالانىڭ ءار اۋدانىنا قونىستانىپ وتىر.
الىس-جاقىن شەتەلدەن كوشىپ كەلگەن قانداستاردى قولداۋ ماقساتىندا باسقارماعا قاراستى «قانداستاردى بەيىمدەۋ جانە ىقپالداستىرۋ» ورتالىعى 6 اي مەرزىمىندە مەملەكەتتىك ءتىلدى ۇيرەنۋى، ورتاعا بەيىمدەلۋى، جۇمىسپەن قامتىلۋى، باسپانا ماسەلەسى بويىنشا، الەۋمەتتىك جاعىنان قولداۋ نەگىزىندە قىزمەت تۇرلەرى كورسەتىلەدى.
سونىمەن قاتار، ورتالىق 12 ءتۇرلى ماماندىق بويىنشا تەگىن وقىتادى. ولار: تىگىنشى، كونديتەر، ەسەپشى، كومپيۋتەر گرافيكاسى، شاشتاراز جانە ت.ب.
ايتا كەتەرلىگى، جۇمىسقا ورنالاسىپ، باسپانا سالىپ، ءوز كاسىپتەرىن دوڭگەلەتىپ وتىرعان قانداستار دا جوق ەمەس. سونىڭ ءبىرى «دانەكەرلەۋ ءىسى» كىشى كاسىپتىك ماماندىعى تامامداعان مىرزاحمەتوۆ ماديار ەسىمدى قانداسقا بۇگىندە مەملەكەتتىك باعدارلاما اياسىندا جۇمىسقا ورنالاستىرۋ بويىنشا ۇسىنىستار بەرىلدى. سونداي-اق، ورتالىق ماماندارىنىڭ كومەگىمەن ەلگە بەيىمدەلۋى قارقىندى ءجۇرىپ، قر ازاماتتىعىن الىپ، ءوز ەڭبەكسۇيگىشتىگىنىڭ ارقاسىندا، قۇرساي ەلدى مەكەنىنەن ءۇي تۇرعىزىپ، باسپانالى بولدى.
