شىمكەنت قالاسى تۇرعىندارىنىڭ كىتاپ وقۋعا دەگەن قۇشتارلىعىن ارتتىرۋ جانە زاماناۋي تالاپتارعا سايكەس جۇمىسى جاڭاشىل فورماتقا وزگەرتىلگەن جەرگىلىكتى كىتاپحانالارعا وقىرمانداردىڭ قىزىعۋشىلىعىن جوعارىلاتۋ ماقساتىندا ەرەكشە جوبا قولعا الىندى.
جوبا اياسىندا شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ باستاۋىمەن بىرقاتار قىزمەت كورسەتۋ ورىندارىمەن وقىرماندارعا ەرەكشە جەڭىلدىكتەر بەرىلۋى جايىندا كەلىسىم ءتۇزىلدى.
العاش قادام رەتىندە شىمكەنت قالاسىنىڭ بىرنەشە ايالداماسىندا جانە ساۋدا ويىن-ساۋىق ورىندارىندا ەرىكتىلەر تاراپىنان —— “White card” وقىرمان بيلەتى تاراتىلدى.“White card” ەرەكشە وقىرمان بيلەتتەرىنىڭ العاش ساتىسى بولىپ تابىلادى. كىتاپحانادا تىركەلگەن ازاماتتارعا وقىلعان كىتاپ سانى جانە ولار بويىنشا جازىلعان وي-پىكىرىنە سايكەس “Blue card”، “Silver card”، “Gold card” جانە “Diamond card” وقىرمان بيلەتتەرى ۇسىنىلادى. كىتاپ وقۋدا بەلسەندىلىك تانىتۋ قارقىنىنا قاراي وقىرماندارعا دەمەۋشىلەر تاراپىنان بەرىلەتىن جەڭىلدىك كولەمى مەن سىيلىق سانى دا ارتادى.
