Shymkent qalasy turǵyndarynyń kitap oqýǵa degen qushtarlyǵyn arttyrý jáne zamanaýı talaptarǵa sáıkes jumysy jańashyl formatqa ózgertilgen jergilikti kitaphanalarǵa oqyrmandardyń qyzyǵýshylyǵyn joǵarylatý maqsatynda erekshe joba qolǵa alyndy.
Joba aıasynda Shymkent qalasynyń mádenıet, tilderdi damytý jáne arhıvter basqarmasynyń bastaýymen birqatar qyzmet kórsetý oryndarymen oqyrmandarǵa erekshe jeńildikter berilýi jaıynda kelisim túzildi.
Alǵash qadam retinde Shymkent qalasynyń birneshe aıaldamasynda jáne saýda oıyn-saýyq oryndarynda eriktiler tarapynan —— “White card” oqyrman bıleti taratyldy.“White card” erekshe oqyrman bıletteriniń alǵash satysy bolyp tabylady. Kitaphanada tirkelgen azamattarǵa oqylǵan kitap sany jáne olar boıynsha jazylǵan oı-pikirine sáıkes “Blue card”, “Silver card”, “Gold card” jáne “Diamond card” oqyrman bıletteri usynylady. Kitap oqýda belsendilik tanytý qarqynyna qaraı oqyrmandarǵa demeýshiler tarapynan beriletin jeńildik kólemi men syılyq sany da artady.
