قىتاي توراعاسى سي تسزينپين وڭتۇستىك-شىعىس ازيا ەلدەرى قاۋىمداستىعىنىڭ (اسەان) قاتىسۋىمەن وتكەن سامميتتە 10 ەلدىڭ باسشىسىنا قىتاي ەشقاشان گەگەمونياعا ۇمتىلمايتىنىن ايتتى، دەپ حابارلايدى "ادىرنا" ۇلتتىق پورتالى.
مەملەكەتتىك اقپارات قۇرالدارىنىڭ حابارلاۋىنشا، قىتاي باسشىسى ءسامميتتىڭ ايماقتىق بەيبىتشىلىك پەن تۇراقتىلىققا جانە دامۋعا ۇلەس قوساتىنىن ايتتى.
– قىتاي ەشقاشان گەگەمونياعا ۇمتىلمايدى جانە ءوز وكىلەتىن كىشى، ءالسىز ەلدەردى قورقىتۋ ءۇشىن پايدالانبايدى، – دەدى ول.
اگەنتتىك ءسامميتتىڭ ميانما وكىلىنىڭ قاتىسۋىنسىز باستالعانىن اتاپ ءوتتى. ايتا كەتەيىك، الەمدەگى ەڭ ءىرى كاسىپوداق قۇرامىنا قىتايدان باسقا اسەان-نىڭ ون ەلى – ۆەتنام، سينگاپۋر، يندونەزيا، مالايزيا، تايلاند، فيليپپين، ميانما، برۋنەي، لاوس جانە كامبودجا، سونداي-اق جاپونيا، اۆستراليا، وڭتۇستىك كورەيا جانە جاڭا زەلانديا كىرەدى.
ايتا كەتەيىك، 2020 جىلدىڭ 15 قاراشاسىندا قىتاي مەن ازيا-تىنىق مۇحيتى ايماعىنداعى 14 ەل الەمدەگى ەڭ ءىرى ەركىن ساۋدا كەلىسىمىنە قول قويدى. ناتيجەسىندە قىتاي مەن جاپونيا العاش رەت تاريفتەردى تومەندەتۋ تۋرالى ەكىجاقتى كەلىسىمگە كەلدى.
"ادىرنا" ۇلتتىق پورتالى
