شىمكەنتتە مەمباعدارلامالار ارقىلى جاسالعان قىلمىستار انىقتالدى

1408
Adyrna.kz Telegram

شىمكەنتتە مەملەكەتتىك باعدارلامالار ارقىلى جاسالعان 14 سىبايلاس جەمقورلىق قىلمىسى اشىلدى. بۇل تۋرالى شىمكەنت قالاسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى اسحات جۇماعالي مالىمدەدى، دەپ حابارلايدى قازاقپارات ءتىلشىسى.

«توتەنشە جاعداي رەجيمى كەزىندە كاسىپكەرلەردەن جۇيەلى تۇردە پارا الىپ، ولاردىڭ بازارداعى ازىق-تۇلىكتەردى ەش كەدەرگىسىز ساتۋىنا مۇمكىندىك بەرگەنى ءۇشىن مەملەكەتتىك ينسپەكتور اراپوۆ التى جىلعا باس بوستاندىعىنان ايىرىلدى»، - دەيدى شىمكەنت قالاسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى اسحات جۇماعالي «Antikor.live» ونلاين باعدارلاماسى بارىسىندا. سونىمەن قاتار، ول مەملەكەتتىك باعدارلامالار ارقىلى جاسالعان 14 سىبايلاس جەمقورلىق قىلمىسى انىقتالعانىن ايتتى. «تسيفرلىق قازاقستان»، «دەنساۋلىق»، «نۇرلى جول» سياقتى مەملەكەتتىك باعدارلامالار بويىنشا 1 ميلليارد 800 ميلليون تەڭگەگە جۋىق شىعىننىڭ ورنىن تولتىردىق. ءبىز ءوز جۇمىسىمىزدى ءارى قاراي جالعاستىرا بەرەمىز، - دەيدى ول.

 

پىكىرلەر