Shymkentte memlekettik baǵdarlamalar arqyly jasalǵan 14 sybaılas jemqorlyq qylmysy ashyldy. Bul týraly Shymkent qalasy boıynsha sybaılas jemqorlyqqa qarsy qyzmet departamentiniń basshysy Ashat Jumaǵalı málimdedi, dep habarlaıdy QazAqparat tilshisi.
«Tótenshe jaǵdaı rejımi kezinde kásipkerlerden júıeli túrde para alyp, olardyń bazardaǵy azyq-túlikterdi esh kedergisiz satýyna múmkindik bergeni úshin memlekettik ınspektor Arapov alty jylǵa bas bostandyǵynan aıyryldy», - deıdi Shymkent qalasy boıynsha sybaılas jemqorlyqqa qarsy qyzmet departamentiniń basshysy Ashat Jumaǵalı «Antikor.live» onlaın baǵdarlamasy barysynda. Sonymen qatar, ol memlekettik baǵdarlamalar arqyly jasalǵan 14 sybaılas jemqorlyq qylmysy anyqtalǵanyn aıtty. «ıfrlyq Qazaqstan», «Densaýlyq», «Nurly jol» sııaqty memlekettik baǵdarlamalar boıynsha 1 mıllıard 800 mıllıon teńgege jýyq shyǵynnyń ornyn toltyrdyq. Biz óz jumysymyzdy ári qaraı jalǵastyra beremiz, - deıdi ol.
