شىمكەنتتە پروۆيزورلىق ستاتسيونارلارداعى توسەك-ورىن سانى 80 پايىزعا بوسادى. بۇل جونىندە بۇگىن اقپاراتتىق-كوممۋنيكاتسيالىق ورتالىقتا وتكەن بريفينگتە دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى تيميرحان ۆارزيلوۆ ءمالىم ەتتى، دەپ حابارلايدى قازاقپارات.
ونىڭ ايتۋىنشا، قالاداعى ەپيدەميالوگيالىق احۋال كۇننەن-كۇنگە جاقسارىپ، COVID-19-عا شالدىققان ناۋقاستاردىڭ سانى ازايۋدا. شىمكەنتتىڭ مەديتسينالىق ۇيىمدارىندا 26 پروۆيزورلىق بولىمشە جۇمىس ىستەگەن. «بۇگىنگى كۇنى پروۆيزورلىق ورىنداردىڭ 19 پايىزى عانا جۇمىس جاساپ، 81 پايىزى بوسادى»، - دەپ حابارلادى ت.ۆازيلوۆ. مەديتسينالىق مەكەمەلەر تامىزدان باستاپ قالىپتى جاعدايداعى جۇمىستارىن باستاعان. ياعني، ناۋقاستار جوسپارلى تۇردە ەم قابىلداۋىنا بولادى. 11 تامىزداعى جاعداي بويىنشا شىمكەنت قالاسىندا كوروناۆيرۋس ينفەكتسياسىنا شالدىققان ناۋقاستار سانى – 5114, ونىڭ ىشىنە 2608 سيمپتومدى، 2506 سيمتومسىز. ىندەتىنەن ايىققاندار سانى 3865-كە جەتتى. ايتا كەتۋ كەرەك، ەلدە جاريالانعان كارانتين وڭىردەگى ەپيدەميولوگيالىق احۋالدىڭ جاقسارۋىنا وڭ اسەرىن تيگىزدى
