ەلىمىزدىڭ مەملەكەتتىك قارىزى 2013 جىلدان بەرى بەس ەسەگە جۋىق ءوستى، ۇلتتىق ەكونوميكا مينيسترلىگى ۇسىنعان قازاقستاننىڭ 2030 جىلعا دەيىنگى مەملەكەتتىك قارجىنى باسقارۋ تۇجىرىمداماسىنا سايكەس ودان ءارى ءوسۋ ءۇردىسى بايقالادى، دەپ حابارلايدى "ادىرنا" ۇلتتىق پورتالى.
- مەملەكەتتىك قارىزدىڭ ءوسۋى مۇناي باعاسىنىڭ تومەندەۋىنىڭ كەزەكتى راۋندتارىنىڭ پايدا بولۋىمەن جەدەلدەتىلۋدە. 2020 جىلدىڭ قورىتىندىسى بويىنشا ءجىو-گە قاتىستى مەملەكەتتىك قارىز 2013 جىلعى ءجىو-گە قاتىستى 12,5% - دان ۇلعايىپ، ءجىو-گە قاتىستى 29,4% - دى قۇرادى. وسى كەزەڭدە نومينالدى ماندە مەملەكەتتىك قارىز 4,7 ەسە ءوستى (2021 جىلعى 1 قاڭتارعا – 20,6 ترلن. تەڭگە، 2014 جىلعى 1 قاڭتارعا – 4,4 ترلن. تەڭگە). ونىڭ ءوسۋ ءۇردىسى جالعاسۋدا، - دەلىنگەن تۇجىرىمدامادا.
2021 جىلى مەملەكەتتىك قارىز جالپى ىشكى ءونىمنىڭ 30,6 پايىزعا دەيىن وسكەنى اتاپ ءوتىلدى.
- بۇل رەتتە مەملەكەتتىك قارىزعا قىزمەت كورسەتۋگە ارنالعان رەسپۋبليكالىق بيۋدجەتتىڭ شىعىستارى 2015 جىلعى 296,5 ملرد تەڭگەدەن 2021 جىلى شامامەن 1,1 ترلن تەڭگەگە دەيىن ءوستى. ناتيجەسىندە بيۋدجەتكە تۇسەتىن بورىشتىق جۇكتەمەنىڭ دەڭگەيى رەسپۋبليكالىق بيۋدجەت تۇسىمدەرىنىڭ 9,7%-دان 2013 جىلعى ترانسفەرتتەردى قوسا العاندا 2020 جىلى 13,1%-عا دەيىن ءوستى، - دەلىنگەن قۇجاتتا.
"ادىرنا" ۇلتتىق پورتالى
