شىمكەنت قالاسى اكىمى ورىنباسارى باق وكىلدەرىمەن بىرگە قالاداعى بىرقاتار نىسانداردى ارالادى. سونىمەن قاتار، ماقسۇت يساحوۆ جاستاردىڭ سپورت سەكتسياسىنا جاپپاي جازىلىپ جاتقانىن ايتتى. ەڭ باستىسى، ءباسپاسوز تۋرى بارىسىندا د. قوناەۆ-ت. رىسقۇلوۆ كوشەسى قيىلىسىنداعى جولايرىقتىڭ قازان ايىندا اياقتالاتىن اتاپ ءوتتى.
د. قوناەۆ داڭعىلى قۇرىلىسىنىڭ 3-كەزەڭى بۇگىنگى تاڭدا قارقىندى جۇرۋدە. شىمكەنت اكىمىنىڭ ورىنباسارى ماقسۇت يساحوۆ جۇمىسشىلاردىڭ قاۋىپسىزدىگى مەن قۇرىلىستىڭ ساپاسى باستى نازاردا ەكەنىن جەتكىزدى. مۇندا قازىر مەملەكەت مۇقتاجىنا الىنعان ۇيلەردى ءسۇرۋ سىندى جۇمىستار جۇرگىزىلۋدە.
ماقسۇت يساحوۆ، شىمەنت قالاسى اكىمىنىڭ ورىنباسارى: «100-دەن استام ۇيلەردى، بيزنەس وبەكتىلەردى، نىسانداردى ساتىپ الۋ كەرەك. قازىرگى تاڭدا سول ساتىپ الۋ جۇمىستارى قارقىندى ءجۇرىپ جاتىر. جاڭا كوردىڭىزدەر عوي، «اباي» دەگەن ماگازيندى بۇزىپ جاتىرمىز، «جىبەك جولى» دەگەن ماگازيندى بۇزىپ جاتىرمىز. تاعى 1-2 ماي قۇيۋ بەكەتتەرىن ساتىپ الۋ كەرەك. تەمىر جولدىڭ ارعى بەتىنە كەلەتىن بولساق، وسى تەمىرجولدى استىمەن ءوتىپ كەتەدى بولاشاقتا. مىنە، ۇستىمەن كوپىرجول سالىپ جاتىرمىز، مىنا كوپىر سالىنعاننان كەيىن مىنا تەمىرجول الىنادى. مىناۋ ۋاقىتشا تەمىرجول».
قوناەۆ-رىسقۇلوۆ كوشەسى قيىلىسىنداعى جولايىرىقتىڭ قۇرىلىس جۇمىستارىمەن جۋرناليستەردى تانىستىرعان قالا اكىمىنىڭ ورىنباسارى نىساندى اعىمداعى جىلدىڭ قازان ايىندا تاپسىرۋ جوسپارلانىپ وتىر.
ماقسۇت يساحوۆ، شىمكەنت قالاسى اكىمىنىڭ ورىنباسارى: «تىرىسىپ جاتىرمىز بەرەمىز قازان ايىندا، اللا قالاسا. بۇل جەردە كەدەرگى سول بولعان ماي قۇيۋ بەكەتى. ول ماسەلە شەشىلدى. ودان كەيىنگى مىناۋ قىمباتتاۋ ماسەلەسى بولعان. ونى دا مىنا كەزەڭ-كەزەڭىمەن شەشىپ كەلە جاتىرمىز. بىراق سول ايتىلعان ۋاقىتتا بىتىرۋگە تىرىسامىز. باسقا كەدەرگى جوق».
ماقسۇت يساحوۆ سودان سوڭ مەملەكەتتىك تاپسىرىسپەن جان باسىنا قارجىلاندىرۋ جوباسىنا قامتىلعان بىرقاتار جەكەمەنشىك سپورتتىق نىساندارعا باردى. سونىڭ ءبىرى فيتنەس ورتالىعى. مۇندا 4 پەن 18 جاس ارالىعىنداعى بالالاردى قابىلدايدى.
راسۋل ەگەمبەرديەۆ، جاتتىعۋ زالىنىڭ ديرەكتورى: «اتا-انادان 12 مىڭ تەڭگە الاتىن ەدىك، قازىر ونى مەملەكەت تولەپ جاتىر. بىزگە مەملەكەت تولەگەن جاقسى. نە ءۇشىن دەگەندە، جاعدايى جوقتار وسى جەرگە كەپ قاتىسا الادى تەگىن. ولارعا وكىمەت تولەيدى».
تۇرعىنداردىڭ مازاسىن الىپ جۇرگەن ماسەلەنىڭ ءبىرى – ينتەرنەت جەلىسى. بۇل سالا دا ماقسۇت يساحوۆ جەتەكشىلىك ەتەتىن سالالاردىڭ ءبىرى. قاراتاۋ اۋدانىنا قاراستى 4 مىڭنان استام ءۇيى بار «اقجايىق» شاعىناۋدان حالقى ينتەرنەت جەلىسىنە قاتىستى ماسەلەنى كوپتەن بەرى ايتىپ كەلەدى. قازىرگى تاڭدا 400 شاقىرىمدىق ابونەنتتىك كابەل تارتىلىپتى. وندا ءوتىنىش قالدىرعان 500-دەن استام وتباسى جوعارعى جىلدامدىقتى ساپالى ينتەرنەتكە قول جەتكىزىپ وتىر.
اسەت ءابدىراحمانوۆ، شىمكەنت قالالىق تسيفرلاندىرۋ باسقارماسىنىڭ باسشىسى: «قازىرگى تاڭدا مىناۋ «i-LinkNet» كومپانياسى «اقجايىق» مولتەك اۋدانىنان باستادى. سونىمەن قاتار، «دوستىقتى» 100 پايىز قامتىپ قويدى. جالپى 650 كم. بۇل جەردە 35 مىڭ حالىق تۇرادى. 1991 جىلدان بەرى ساپالى ينتەرنەت بولماعان. قازىر مىنە جۇرگىزىپ جاتىرمىز».
ايتا كەتەيىك، بيىل شىمكەنتتە 300 شاقىرىمنان اسا جولدى جوندەۋدەن وتكىزۋ جوسپارلانىپ وتىر. ال بىلتىر بۇل كورسەتكىش 400 شاقىرىم جولدى قۇراعان. اقجاعالىلار ۋاقىتتىڭ تىعىز ەكەنىن ايتادى. بىراق دەر كەزىندە اياقتايمىز دەپ سەندىرىپ وتىر. ال ساپا – باستى نازاردا بولادى دەيدى.
