قر اقپارات جانە قوعامدىق دامۋ مينيسترلىگىنىڭ قولداۋىمەن الماتى وبلىسىندا ازاماتتىق باستامالاردى قولداۋ ورتالىعى جانە قازاقساتاننىڭ ازاماتتىق اليانسى دەمەۋشىلىگىمەن قوعامدىق باقىلاۋ جۇيەسىن دامىتۋعا باعىتتالعان ەكسپەديتسيالىق جوبا ۇيىمداستىرىلدى.
الەۋمەتتىك جوبا مەن الەۋمەتتىك باعدارلامانىڭ ماقساتى - قوعامدىق باقىلاۋ جۇيەسىن دامىتۋ، جۇرتشىلىقتىڭ قىزمەتىن بەلسەندىرۋگە ارنالعان كەڭەستەر، قوعامدىق باقىلاۋدى جۇرگىزۋ بويىنشا قوعامدىق كەڭەستەردى قولداۋ.
الەۋمەتتىك جوبانىڭ اياسىندا شاعىن گرانتتار كونكۋرسىن ۇيىمداستىرۋ جانە كەمىندە 60 شاعىن گرانت ءبولۋ (ارقايسىسى 500 مىڭ تەڭگەنى قۇرايتىن) مىندەتتەلدى. قوعامدىق مەحانيزمدەردى ەنگىزۋ جانە دامىتۋ بويىنشا ۇسىنىستار ازىرلەندى.
الەۋمەتتىك جوبا جەتەكشىسى حالىقارالىق «كوشپەندىلەر مۇراسى وركەنيەتى» قورىنىڭ پرەزيدەنتى، ەتنوگراف، نومادولوگ، زەرتتەۋشى - باتىرجان سەيدومار.
«Zhetysu explorer» دەپ اتالعان ەكسپەديتسيالىق جوبا الماتى وبلىسىنىڭ تاريحي-مادەني نىساندارىنىڭ جۇمىسىن باقىلاۋعا جۇمىلدىرىلدى. ەكسپەديتسيا اعىمداعى جىلدىڭ ماۋسىم-قىركۇيەك ايلارىندا جۇزەگە استى.
الماتى جانە الماتى وبلىستارىنىڭ تاريحي-كوركەم جەرلەرىن قامتىعان ەكسپەديتسيادا نەگىزىنەن «ەسىك» مەملەكەتتىك تاريحي-مادەني مۇراجاي قورىعى; تالعار «تالحيز» ورتاعاسىرلىق قالاشىعى (يۋنەسكو); ءانشى بارحان – «التىن ەمەل» مەملەكەتتىك عىلىمي-وندىرىستىك كاسىپورنى (يۋنەسكو); «بەسشاتىر» ساق قورعاندارى – «التىن ەمەل» مەملەكەتتىك عىلىمي-وندىرىستىك كاسىپورنى (يۋنەسكو); «بورالداي ساق قورعاندارى» ارحەولوگيالىق ساياباعى; «تاڭبالى» مەملەكەتتىك تاريحي-مادەني جانە تابيعي قورىق-مۇراجايى (يۋنەسكو) اتتى تاريحي ايماقتاردىڭ جۇمىسى باقىلاندى.
2021 جىلدىڭ قاڭتار-شىلدە ايلارى ارالىعىندا كوپتەگەن ارحەولوگيالىق جانە زەرتتەۋ جۇمىستارى جۇرگىزىلدى. كونە راحات پەن ورىقتى ەلدى مەكەندەرىن قالپىنا كەلتىرۋ جۇمىستارى اياقتالدى. ەسىك قورعاندارى بۇگىندە جاقسى جاعدايدا. 2019 جىلى اپاتتى قورعانداردىڭ سوڭعى قازبا جۇمىستارى اياقتالدى. ساۇ قورعاندارىن قاۋىپسىز جاعدايدا دەپ اتاۋعا بولادى.
«التىن ەمەل» مەملەكەتتىك ۇلتتىك تابيعي پاركى كەلۋشىلەرىنىڭ ورتالىعى باسشي اۋىلىندا ورنالاسقان. ۆيزيت-ورتالىق وتە جاقسى جاعدايدا، ءوزىنىڭ مۇراجايى بار جانە ۇلتتىق ساياباقتىڭ كورىكتى جەرلەرىنىڭ دەكوراتسياسى ەرەكشە. شىلدە ايىنىڭ باسىندا اۋىلدىڭ باستى جولدارىندا
اسفالت توسەلدى.
ايعاي قۇم - تانىمال تۋريستىك ورىنداردىڭ ءبىرى. ءانشى بارحانعا اپاراتىن جول اڭشىلاردىڭ (شاعان مەن مىڭبۇلاق) قورشاۋىنان وتەدى. 2019-2023 جىلدارعا ارنالعان مۇتپ جاڭا باسقارۋ جوسپارى ازىرلەنۋدە.
قازىرگى ۋاقىتتا ورتاعاسىرلىق تالعار قالاشىعى «ەسىك» مەملەكەتتىك تاريحي-مادەني قورىق-مۇراجايىنىڭ بالانسىندا. ايىنا 2 رەت اۋماق قوقىستان تازارتىلادى. تەرريتوريا
كولىكتەردىڭ كىرە بەرىسىنەن قورشالعان، تەك جاياۋ جەتۋگە بولادى. كولىكتەرگە ارنالعان ارنايى تۇراق ورىندارى جوق. وكىنىشكە وراي، «قازاۆتوجول» ەلدى مەكەننىڭ جارتىلاي قيراعان قابىرعالارىن قالپىنا كەلتىرمەدى. 2020 جىلى COVID19 ىندەتىنە بايلانىستى كوپتەگەن جوبالار جۇزەگە اسىرىلماي قالدى.
2020 جىلى تاڭبالى كەشەنى اۋماعىندا كوپتەن كۇتكەن ۆيزيت ورتالىعى پايدا بولدى. كونفەرەنتس-زال، اسحانا جانە قوناقۇي بولمەلەرى بار. پەتروگليفتەر اۋماعىندا زاماناۋي دارەتحانالار ورناتىلدى. كەشەن قىزمەتكەرلەرى اپتاسىنا ءبىر رەت قالپىنا كەلتىرۋ جۇمىستارىن جۇرگىزىپ، سەنبىلىكتەر وتكىزەدى.
«بورالداي ساق قورعاندارى» ارحەولوگيالىق كەشەنى الماتى قالاسى «الماتى قالاسى مادەنيەت باسقارماسىنىڭ قاراماعىنداعى «مۋزەي الماتى» بىرىككەن ۇيىمىنا قارايدى. جىل سايىن سەنبىلىك، اعاش وتىرعىزۋ ۇردىستەرى وتكىزىلەدى.
"ادىرنا" ۇلتتىق پورتالى
