رەسەي قازاقستاننان جالعا العان اتىراۋ وبلىسىنداعى (قىزىلقوعا اۋدانى) جەرلەردىڭ نەگىزگى بولىگى مەملەكەتتىك قورعا قايتارىلاتىن بولدى، دەپ حابارلايدى «ادىرنا» ۇلتتىق پورتالى «اقجايىققا» سىلتەمە جاساپ.
ءتيىستى زاڭ كۇشىنە ەندى. كەزىندە رف قورعانىس مينيسترلىگى قىزىلقوعا اۋدانىنداعى 750 مىڭ گەكتاردى 25 جىلعا جالعا العان بولاتىن. ونداعى پوليگوندا جيىرمادان استام يادرولىق جارىلىس بولىپ، كەيىن ول جەرلەر ۇزاق ۋاقىتقا دەيىن پايدالانىلمادى.
قر پرەمەر ءمينيسترىنىڭ ورىنباسارى رومان سكليار وسى جەرلەرگە قاتىستى دەپۋتتاتاردىڭ ساۋالىنا بىلاي دەپ جاۋاپ بەرگەن ەدى:
— 2016 جىلعى 22 اقپاندا سىناق پوليگوندارىن پايدالانۋ جانە جالداۋ تۋرالى شارت راتيفيكاتسيالاندى. شارت تۋرالى بۇرىن رەسەي فەدەراتسياسى قورعانىس مينيسترلىگىنەن جالعا الىنعان № 929 «مەملەكەتتىك ۇشۋ سىناق ورتالىعى» پوليگونىنىڭ سولتۇستىك بولىگى قازاقستاننىڭ يۋريسديكتسياسىنا ءوتتى. اتىراۋ وبلىسىنىڭ قىزىلقوعا اۋدانىندا رەسەيلىك اسكەريلەردىڭ جالىندا 749,6 مىڭ گەكتار جەر بولعان ەدى.
ونىڭ ايتۋىنشا 624,6 مىڭ گا (83,3 پايىز) جەر مەملەكەتتىك قورعا قايتارىلدى. جەر قايتارىلعاننان كەيىن ەكى جىل توپىراق پەن سۋعا زەرتتەۋلەر جۇرگىزىلىپ، ناتيجەسى بويىنشا ەكولوگيالىق قاۋىپسىز جانە اۋىل شارۋاشىلىعىنا جارامدى ەكەنى بەلگىلى بولدى.
- تايسويعاندا بۇرىننان پوليگون جەرىندە وتىرعان 32 قىستاقتىڭ 53 مىڭ 600 گەكتار جەرى زاڭداستىرىلىپ بەرىلدى. ولار شارۋا قوجالىقتارىن قۇرىپ، مال شارۋاشىلىعىن وركەندەتۋمەن تىكەلەي اينالىسىپ جاتىر. ال جۋىق ارادا 90 شارۋا قوجالىعىنا 118 900 گەكتار جەر پايدالانۋعا بەرىلدى، - دەيدى قىزىلقوعا اۋدانى اكىمىنىڭ ورىنباسارى جانىبەك تۇرداعاليەۆ.
«ادىرنا» ۇلتتىق پورتالى.
