Reseıge berilgen jer qaıtaryldy

2737
Adyrna.kz Telegram

Reseı Qazaqstannan jalǵa alǵan Atyraý oblysyndaǵy (Qyzylqoǵa aýdany) jerlerdiń negizgi bóligi memlekettik qorǵa qaıtarylatyn boldy, dep habarlaıdy «Adyrna» ulttyq portaly «Aqjaıyqqa»  silteme jasap. 

Tıisti zań kúshine endi. Kezinde RF qorǵanys mınıstrligi Qyzylqoǵa aýdanyndaǵy 750 myń gektardy 25 jylǵa jalǵa alǵan bolatyn. Ondaǵy polıgonda jıyrmadan astam ıadrolyq jarylys bolyp, keıin ol jerler uzaq ýaqytqa deıin paıdalanylmady.

QR premer mınıstriniń orynbasary Roman SKLIaR osy jerlerge qatysty depýttatardyń saýalyna bylaı dep jaýap bergen edi:

— 2016 jylǵy 22 aqpanda synaq polıgondaryn paıdalaný jáne jaldaý týraly shart ratıfıkaıalandy. Shart týraly buryn Reseı Federaııasy qorǵanys mınıstrliginen jalǵa alynǵan № 929 «Memlekettik ushý synaq ortalyǵy» polıgonynyń soltústik bóligi Qazaqstannyń ıýrısdıkııasyna ótti. Atyraý oblysynyń Qyzylqoǵa aýdanynda reseılik áskerılerdiń jalynda 749,6 myń gektar jer bolǵan edi.

Onyń aıtýynsha 624,6 myń ga (83,3 paıyz) jer memlekettik qorǵa qaıtaryldy. Jer qaıtarylǵannan keıin eki jyl topyraq pen sýǵa zertteýler júrgizilip, nátıjesi boıynsha ekologııalyq qaýipsiz jáne aýyl sharýashylyǵyna jaramdy ekeni belgili boldy.

- Taısoıǵanda burynnan polıgon jerinde otyrǵan 32 qystaqtyń 53 myń 600 gektar jeri zańdastyrylyp berildi. Olar sharýa qojalyqtaryn quryp, mal sharýashylyǵyn órkendetýmen tikeleı aınalysyp jatyr. Al jýyq arada 90 sharýa qojalyǵyna 118 900 gektar jer paıdalanýǵa berildi, - deıdi Qyzylqoǵa aýdany ákiminiń orynbasary Jánibek Turdaǵalıev.

 

«Adyrna» ulttyq portaly.

Pikirler