جاقىندا گرەتسيانىڭ سالوناكي قالاسىندا سامبودان جاستار بىرىنشىلىگى بويىنشا الەم چەمپيوناتى ءوتتى.
باسەكەلى الەمدىك جارىستا قازاقستان قۇراماسى كوماندالىق جارىستا جۇلدەلى 3 ورىنعا يە بولدى. قۇراما قورجىنىندا 2 التىن، 3 كۇمىس جانە 11 قولا مەدال بار.
الەم چەمپيوناتىندا سپورتشىلار ءارتۇرلى سالماقتا ونەر كورسەتتى. قىزدار 47 كگ، 50 كگ جانە 54 كگ سالماق اراسىندا سىنعا تۇسسە، ۇلدار 53 كگ، 58 كگ جانە 64 كگ اراسىندا باق سىناستى. سونداي-اق، قىزدار اراسىندا 80 كگ جانە ودان دا جوعارى سالماق، ال جاسوسپىرىمدەر 98 كگ جانە وداندا جوعارى سالماقتا كۇرەستى.
الەمدىك دوداعا شىمكەنتتىك سپورتشىلار دا قاتىستى. سولاردىڭ ءبىرى جەرلەسىمىز قۇدىرەت دوسىموۆ 88 كگ سالماق بويىنشا كۇمىس مەدال جەڭىپ الدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
