پاندەميا كەزىندە كاسىپكەرلەرگە قولداۋ كورسەتىلىپ جاتىر. وسىلاي دەگەن «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى داعدارىستى جەڭىل وتكىزۋ ماقساتىندا بارلىق جاعداي جاسالعانىن جەتكىزدى.
اتاپ ايتار بولساق، سالىقتان جەڭىلدىكتەر قاراستىرىلىپ، نەسيە سالاسىندا كومەك بەرىلىپ جاتىر جانە الەۋمەتتىك سالادا ۋاقىتشا جۇمىسسىز قالعان قىزمەتكەرلەر جۇمىسقا ورنالاستىرىلۋدا. سونداي-اق، مەملەكەتتىك رەتتەۋ سالاسىندا دا جەڭىلدىكتەر بەرىلىپ جاتقانىن العا تارتتى
ابىلاي مىرزاحمەتوۆ، «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى: «پاندەميا باستالعالى بەرى مەملەكەت باسشىسىنىڭ تاپسىرماسىمەن ۇكىمەت بيزنەس قاۋىمداستىقپەن اقىلداسا وتىرىپ، داعدارىسقا قارسى 4 پاكەت ءىس-شاراسىن قولداندى. وعان بايلانىستى كەشەندى جوسپار قابىلداندى. جالپى 260 شارادان تۇراتىن اۋقىمدى ءىس جۇزەگە اسىرىلدى. ولار 5 سالانىڭ كاسىپكەرلىكتەرىن قامتىدى».
ەندى قازاقستاندىق كاسىپكەرلەردىڭ جالعىز تالابى بار. ولار كارانتين كەزىندە جۇمىستى توقتاتپاۋدى سۇراپ وتىر. ابىلاي مىرزاحمەتوۆتىڭ سوزىنشە، كاسىپكەرلەردىڭ 500 مىڭنان استامى قىزمەت كورسەتۋ سالاسىندا جۇمىس ىستەيدى. ياعني، تۇتىنۋشىلارمەن تىكەلەي بايلانىستا بولادى. اتالعان ماسەلە بويىنشا مەملەكەت باسشىسى بۇعان دەيىن تاپسىرما بەرگەن ەدى. ەل پرەزيدەنتى كاسىپورىندار «اشىق» قوسىمشاسىن قولدانۋ ارقىلى جۇمىسىن جالعاستىرۋلارىنا مۇمكىن بار ەكەنىن ايتقان بولاتىن.
ابىلاي مىرزاحمەتوۆ، «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى: «قازىر كاسىپكەرلەر جۇمىستى توقتاتپاۋدى سۇرادى. مەملەكەت باسشىسى اshyq جۇيەسىنە قاتىستى ناقتى تاپسىرما بەردى. 500 مىڭنان استام كاسىپكەرلىك تىكەلەي قىزمەت كورسەتۋ سالاسىندا جۇمىس ىستەيدى. سوندىقتان اshyq جۇيەسىن ودان ءارى دامىتۋ بويىنشا جۇمىس جالعاسادى دەپ ويلايمىز».
