Pandemiia kezınde Şymkenttık käsıpkerlerge qoldau körsetılıp jatyr

Pandemiia kezınde käsıpkerlerge qoldau körsetılıp jatyr. Osylai degen «Atameken» ūlttyq käsıpkerler palatasynyŋ basqarma töraǧasy daǧdarysty jeŋıl ötkızu maqsatynda barlyq jaǧdai jasalǧanyn jetkızdı.

Atap aitar bolsaq, salyqtan jeŋıldıkter qarastyrylyp, nesie salasynda kömek berılıp jatyr jäne äleumettık salada uaqytşa jūmyssyz qalǧan qyzmetkerler jūmysqa ornalastyryluda. Sondai-aq, memlekettık retteu salasynda da jeŋıldıkter berılıp jatqanyn alǧa tartty Abylai Myrzahmetov, «Atameken» Ūlttyq käsıpkerler palatasynyŋ basqarma töraǧasy: «Pandemiia bastalǧaly berı Memleket basşysynyŋ tapsyrmasymen Ükımet biznes qauymdastyqpen aqyldasa otyryp, daǧdarysqa qarsy 4 paket ıs-şarasyn qoldandy. Oǧan bailanysty keşendı jospar qabyldandy. Jalpy 260 şaradan tūratyn auqymdy ıs jüzege asyryldy. Olar 5 salanyŋ käsıpkerlıkterın qamtydy». Endı qazaqstandyq käsıpkerlerdıŋ jalǧyz talaby bar. Olar karantin kezınde jūmysty toqtatpaudy sūrap otyr. Abylai Myrzahmetovtyŋ sözınşe, käsıpkerlerdıŋ 500 myŋnan astamy qyzmet körsetu salasynda jūmys ısteidı. Iаǧni, tūtynuşylarmen tıkelei bailanysta bolady. Atalǧan mäsele boiynşa Memleket basşysy būǧan deiın tapsyrma bergen edı. El Prezidentı käsıporyndar «Aşyq» qosymşasyn qoldanu arqyly jūmysyn jalǧastyrularyna mümkın bar ekenın aitqan bolatyn. Abylai Myrzahmetov, «Atameken» Ūlttyq käsıpkerler palatasynyŋ basqarma töraǧasy: «Qazır käsıpkerler jūmysty toqtatpaudy sūrady. Memleket basşysy Ashyq jüiesıne qatysty naqty tapsyrma berdı. 500 myŋnan astam käsıpkerlık tıkelei qyzmet körsetu salasynda jūmys ısteidı. Sondyqtan Ashyq jüiesın odan ärı damytu boiynşa jūmys jalǧasady dep oilaimyz».