ۇلتتىق ساناقتىڭ ءبىرىنشى كەزەڭىندە شىمكەنت قالاسىنداعى جىلىمايتىن مۇلىكتەردىڭ مەكەنجايىن ناقتى كورسەتەتىن جاڭارتىلعان كارتا ازىرلەندى. بۇل تۋرالى شىمكەنت قالاسىنىڭ اكىمى مۇرات ايتەنوۆ ۇكىمەت وتىرىسىندا ءمالىم ەتتى.
«ساناقتىڭ ەكىنشى كەزەڭىنە 186 نۇسقاۋشى-باقىلاۋشى جانە 1 304 ينتەرۆيۋەر تارتىلادى. قالا اۋماعىندا ورنالاسقان جىلجىمايتىن مۇلىك وبەكتىلەرى مەن ولاردىڭ مەكەنجايلارى بويىنشا جاڭارتىلعان كارتا ازىرلەنىپ، ستاتيستيكا ورگانىنا 246 دانا پلانشەت ۇسىنىلدى. ساناق پەرسونالىن ءۇي-جايمەن قامتاماسىز ەتۋ بويىنشا 155 نۇساۋشى ۋچاسكە بەلگىلەنىپ، جيھازبەن، قۇرال-سايماندارمەن، تەلەفون بايلانىسىمەن جانە ينتەرنەتپەن جابدىقتالدى»، - دەگەن شاھار باسشىسى قالا اۋماعىنا جۋىق عانا قوسىلعان ەلدى مەكەندەرگە قاتىناۋ ءۇشىن ساناق پەرسونالىنا ارنايى كولىك بولىنگەنىن اتادى.
«ساناق پەرسونالىنا قالا اۋماعىنا كەيىن قوسىلعان ەلدى مەكەندەرگە قاتىناۋ ءۇشىن 14 جەڭىل اۆتوكولىك ۇيىماستىرىلدى. قالاداعى ەپيدەميولوگيالىق احۋالدى ەسكەرە وتىرىپ، ساناق پەورسونالى ۆاكتسينالاۋدان ءوتىپ جاتىر. ساناق پەرسونالىنىڭ قاۋىپسىزدىگىن قامتاماسىز ەتۋ ءۇشىن ۋچاسكەلىك پوليتسيا وكىلدەرى پروفيلاكتيكالىق جانە ۇيىمداستىرۋ جۇمىستارىن تۇراقتى تۇردە جۇرگىزدى»، - دەدى مۇرات ايتەنوۆ. ەسكە سالساق، بۇگىنگى ۇكىمەت وتىرىسىندا بيۋرو باسشىسى بيىلعى ساناققا پاندەميا، ۆاكتسيناعا قاتىستى ماسەلەلەر سۇراقتار قوسىلىپ وتىرعانىن اتاپ ءوتتى.
«ساناق پاراقتارىنا حالىقتىڭ كوشى-قونى، تىرشىلىك قابىلەتىن شەكتەۋ، پاندەميانىڭ تابىس دەڭگەيىنە اسەرى، كوروناۆيرۋس ينفەكتسياسىمەن سىرقاتتانۋشىلىق جانە حالىقتى ۆاكتسينالاۋ تۋرالى جاڭا سۇراقتار ەنگىزىلدى. جۇمىسپەن قامتۋ، ءتىل مەڭگەرۋ، مەكەن جاعدايى جانە بالا تۋ تۋرالى سۇراقتاردىڭ قاتارى كەڭەيتىلدى»، - دەدى ۇلتتىق ستاتيستيكا بيۋروسىنىڭ باسشىسى.
"ادىرنا" ۇلتتىق پورتالى
