پاۆلوداردا بيىل جاڭا جىل مەرەكەسىن تويلاۋعا 80 ملن تەڭگەدەن استام قاراجات جۇمسالماق، دەپ حابارلايدى «ادىرنا» ءتىلشىسى «استانا» تەلەارناسىنا سىلتەمە جاساپ.
مەملەكەتتىك ساتىپ الۋ پورتالىندا ەكى بىردەي لوت جاريالانعان. بۇعان قالانى ءتۇرلى ديودتى شامدارمەن ارلەپ، شىرشانى بەزەندىرۋ قاراستىرىلعان. شاھار اكىمدىگى جاڭا جىلعا دايىندىقتى ەرتە ساۋىردەن باستاپتى. سودان بەرى ەكى رەت كونكۋرس جاريالاپ ۇلگەرگەن.
«پاۆلوداردى جاڭا جىل قارساڭىندا جارىق ديودى شامدارمەن بەزەندىرۋگە 58 ملن 240 مىڭ تەڭگە ءبولىندى. بۇعان قالاداعى ساياباقتار، سكۆەرلەر، ورتالىق جاعالاۋ الاڭى، كوشەلەر مەن عيماراتتاردىڭ قاسبەتى جارىقتاندىرىلاتىن بولادى. بۇدان بولەك 3 شىرشانى اسەمدەۋگە 16 ملن. 600 مىڭ تەڭگە ءبولىندى»،– دەدى پاۆلودار قالاسى اكىمىنىڭ ءباسپاسوز حاتشىسى سالتانات اكىمبەكوۆا.
«ادىرنا» ۇلتتىق پورتالى
