شىمكەنت قالاسىنداعى ونكولوگيالىق ورتالىقتا تۇڭعىش رەت قالقانشا بەزىندەگى قاتەرلى ىسىك تىلىكسىز الىندى.
وتا جاسالعان 49 جاستاعى پاتسيەنتتىڭ قالقانشا بەزىنىڭ ۇستىندە ىسىك پايدا بولعان. جىل وتكەن سايىن ىسىك ۇلكەيە ءتۇسىپ، ناۋقاستىڭ جۇتىنۋىنا، دەمالۋىنا قيىندىق كەلتىرگەن سوڭ، دارىگەرگە جۇگىنگەن. وتا جاساۋ بارىسىندا ونكوحيرۋرگتار قالقانشا بەزىندەگى ىسىكتى ەندوۆيدەوحيرۋرگيالىق ادىسپەن الىپ تاستادى. بۇرىندارى اتالمىش وپەراتسيالار ونكولوگيالىق ورتالىقتا اشىق ادىسپەن جاسالىنىپ كەلگەن.
بىلىكتى مامانداردىڭ ايتۋى بويىنشا ەندوۆيدەوحيرۋرگيالىق ادىسپەن جاسالىنعان وپەراتسيالاردىڭ اشىق وپەراتسيالاردان كوپتەگەن ارتىقشىلىقتارى بار. اتاپ ايتقاندا، وپەراتسيالاردان كەيىنگى اسقىنۋلار وتە سيرەك كەزدەسەدى، ناۋقاستاردا اۋىرسىنۋدى باساتىن ءدارى-دارمەكتەرگە مۇقتاجدىق بولمايدى.
ەڭ باستىسى مۇنداي وتا تىلىكسىز جاسالىنعاندىقتان ناۋقاستىڭ موينىندا تىرتىق قالمايدى. اتالعان وپەراتسيانىڭ ونكولوگيالىق ورتالىقتا كۇندەلىكتى تاجىريبەگە ەنۋىنە ات سالىسقانى ءۇشىن «Sofie Med» كلينيكاسىنىڭ حيرۋرگ دارىگەرى مۇحامەدجان نۇرعازيەۆقا ورتالىق اكىمشىلىگى العىسىن بىلدىرەدى.
الداعى ۋاقىتتا ورتالىق دارىگەرلەرى مۇنداي وپەراتسيالاردىڭ ۇلەسىن ارتتىرۋعا نيەتتى. ال وتا جاساتقان ناۋقاستىڭ جاعدايى جاقسى. پاتسيەنتتى دارىگەرلەر ءبىر-ەكى كۇندە اۋرۋحانادان شىعارۋدى جوسپارلاپ وتىر.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
