جاستار پراكتيكاسى ارقىلى 2500-دەن استام ازامات ۋاقىتشا جۇمىسقا ورنالاستى

1254
Adyrna.kz Telegram

شىمكەنت قالاسىندا «ەڭبەك» باعدارلاماسىنىڭ ءۇشىنشى باعىتى – جاستار پراكتيكاسى ازاماتتاردىڭ جۇمىس تابۋىنا سەپتىگىن تيگىزۋدە. جاستار پراكتيكاسى تۇلەكتەردىڭ مەڭگەرگەن ماماندىعى بويىنشا باستاپقى جۇمىس تاجىريبەسىن الۋ ماقساتىندا ۇيىمداستىرىلعان.

بولات شاحيزادا – وسى باعدارلاما ارقىلى قاراتاۋ اۋدانىنىڭ اكىمى اپپاراتىنا جولداما العانداردىڭ ءبىرى. ول بيىل ورتا ازيالىق يننوۆاتسيالىق ۋنيۆەرسيتەتى مەديتسينالىق كوللەدجىن «مەملەكەتتىك جانە جەرگىلىكتى باسقارۋ» ماماندىعى بويىنشا ءبىتىرىپ، جۇمىسپەن قامتۋ ورتالىعىندا جۇمىسسىز رەتىندە تىركەلدى. تامىز ايىنان باستاپ ول ءوز ماماندىعى بويىنشا ەسەپ-قيساپ بولىمىندە جۇمىس ىستەۋدە.

– وقۋدى بىتىرگەن سوڭ جۇمىسپەن قامتۋ ورتالىعىنىڭ الەۋمەتتىك جەلىدەگى پاراقشاسىندا باعدارلاما ارقىلى جۇمىسقا شاقىرۋ جونىندە حابارلاندىرۋدى كورىپ، وسىنداعى مامانداردىڭ كومەگىنە جۇگىندىم. ورتالىق ماماندارى ماعان بىرنەشە جۇمىس ورنىن ۇسىندى. مەن قاراتاۋ اۋدانىنىڭ اكىمى اپپاراتىندا جۇمىس جاساۋدى تاڭدادىم. ۋاقىتشا بولسا دا جۇمىسقا ورنالاسقانىما قۋانىشتىمىن، – دەيدى 21 جاسار باعدارلاما قاتىسۋشىسى.

بيىل قالالىق جۇمىسپەن قامتۋ ورتالىعى تاراپىنان 2500 جاستى اتالعان باعدارلاما اياسىندا جۇمىسپەن قامتۋ جوسپارلانعان. بۇگىنگى تاڭدا 2575 ازامات ۋاقىتشا جۇمىسقا ورنالاستى. ياعني، جوسپار 103 پايىزعا ورىندالدى.

باعدارلاما تالابىنا ساي، قاتىسۋشىنىڭ جاسى 29-دان اسپاۋى ءتيىس جانە «جۇمىسسىز» مارتەبەسى بولۋى كەرەك. جانە سوڭعى ءۇش جىل ىشىندە (2019-2021ج.) جوعارى وقۋ ورىندارى مەن كوللەدجەردىڭ تۇلەكتەرى ءبىر-اق رەت قاتىسا الادى.

جالپى بىلتىر 3 مىڭعا جۋىق جاس اتالعان باعدارلامامەن جۇمىسپەن قامتىلىپ، ونىڭ 536-سى تۇراقتى جۇمىسقا ورنالاستى.

پىكىرلەر