Shymkent qalasynda «Eńbek» baǵdarlamasynyń úshinshi baǵyty – jastar praktıkasy azamattardyń jumys tabýyna septigin tıgizýde. Jastar praktıkasy túlekterdiń meńgergen mamandyǵy boıynsha bastapqy jumys tájirıbesin alý maqsatynda uıymdastyrylǵan.
Bolat Shahızada – osy baǵdarlama arqyly Qarataý aýdanynyń ákimi apparatyna joldama alǵandardyń biri. Ol bıyl Orta Azııalyq ınnovaııalyq ýnıversıteti medıınalyq kolledjin «Memlekettik jáne jergilikti basqarý» mamandyǵy boıynsha bitirip, jumyspen qamtý ortalyǵynda jumyssyz retinde tirkeldi. Tamyz aıynan bastap ol óz mamandyǵy boıynsha Esep-qısap bóliminde jumys isteýde.
– Oqýdy bitirgen soń jumyspen qamtý ortalyǵynyń áleýmettik jelidegi paraqshasynda baǵdarlama arqyly jumysqa shaqyrý jóninde habarlandyrýdy kórip, osyndaǵy mamandardyń kómegine júgindim. Ortalyq mamandary maǵan birneshe jumys ornyn usyndy. Men Qarataý aýdanynyń ákimi apparatynda jumys jasaýdy tańdadym. Ýaqytsha bolsa da jumysqa ornalasqanyma qýanyshtymyn, – deıdi 21 jasar baǵdarlama qatysýshysy.
Bıyl qalalyq jumyspen qamtý ortalyǵy tarapynan 2500 jasty atalǵan baǵdarlama aıasynda jumyspen qamtý josparlanǵan. Búgingi tańda 2575 azamat ýaqytsha jumysqa ornalasty. Iaǵnı, jospar 103 paıyzǵa oryndaldy.
Baǵdarlama talabyna saı, qatysýshynyń jasy 29-dan aspaýy tıis jáne «jumyssyz» mártebesi bolýy kerek. Jáne sońǵy úsh jyl ishinde (2019-2021j.) joǵary oqý oryndary men kolledjerdiń túlekteri bir-aq ret qatysa alady.
Jalpy byltyr 3 myńǵa jýyq jas atalǵan baǵdarlamamen jumyspen qamtylyp, onyń 536-sy turaqty jumysqa ornalasty.
