شىمكەنت قالاسىنىڭ №2 قالالىق اۋرۋحاناسىندا نۇر-سۇلتان قالاسىنان كەلگەن رەنتگەنحيرۋرگ ەۆگەني مۋننىڭ قاتىسۋىمەن «وستەوارتريت كەزىندە تىزە استى ارتەرياسىنىڭ تارماقتارىن ەمبوليزاتسيالاۋ» تاقىرىبىندا شەبەرلىك ساعاتى وتكىزىلدى. تىزە بۋىنىنىڭ اۋىر وستەوارتريتى بار ناۋقاستاردا اۋىرسىنۋدى ءتيىمدى ازايتۋ ءۇشىن تىزە استى ارتەريانىڭ تارماقتارىن ەمبوليزاتسيالاۋ ۇسىنىلۋى مۇمكىن. بۇل ءادىستى كونسەرۆاتيۆتى ەمدەۋگە كەلمەيتىن جانە رەكونسترۋكتيۆتى وپەراتسياعا مۇمكىندىگى كەلمەيتىن ناۋقاستاردا ۇسىنىلادى. تىزە استى ارتەريانىڭ تارماقتارىن ەمبوليزاتسيالاۋ - قابىنۋدى ازايتۋ ارقىلى اۋىرسىنۋدى جانە وستەوارتريتتىڭ باسقا بەلگىلەرىن ازايتۋ ءۇشىن ينتەرۆەنتسيالىق رەنتگەنحيرۋرگتارمەن جۇرگىزەتىن جاڭا ءتاسىل. شەبەرلىك ساعاتى كەزىندە اۋرۋدىڭ ءارتۇرلى ساتىلارى بار 5 ناۋقاسقا العاش رەت جاڭا ادىسپەن وتا جاسالدى. وتادان كەيىن پاتسيەنتتەر وزدەرىن جاقسى سەزىنۋدە جانە جاقىن كۇندەرى اۋرۋحانادان شىعادى دەپ كۇتىلۋدە. ايتا كەتەتىنى №2 قالالىق اۋرۋحاناسىندا بيىل ناۋرىز ايىندا مي قان اينالىمىنىڭ بۇزىلىسى بار ناۋقاستارعا شۇعىل مەديتسينالىق كومەك كورسەتۋ ءۇشىن ينسۋلت ورتالىعى، رەنتگەنوحيرۋرگيالىق دياگنوستيكا مەن ەمدەۋ ادىستەرى بولىمشەسى (انگيوگرافيا) اشىلعان بولاتىن. بۇگىنگى تاڭعا دەيىن وندا 220 رەنتگەنحيرۋرگيالىق وتا جاسالعان.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз