بۇگىن شىمكەنت قالاسىندا «ۇستازدار كۇنى» مەرەكەسىنە ارنالعان «ۇزدىك پەداگوگ - 2021» بايقاۋىنىڭ جەڭىمپازدارىن ماراپاتتاۋ ءىس-شاراسى ءوتتى. سالتاناتتى جيىندا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، قالا ءماسليحاتىنىڭ حاتشىسى باحادىر نارىمبەتوۆ ۇستازدار قاۋىمىن كاسىبي مەرەكەمەن قۇتتىقتاپ، بايقاۋدا ۇزدىك دەپ تانىلعان پەداگوگتاردى ماراپاتتادى. 2021 جىلدىڭ 26-28 مامىر كۇندەرى پەداگوگتەرگە ارنالعان "ۇزدىك پەداگوگ" كونكۋرسىنىڭ قالالىق كەزەڭى وتكىزىلگەن بولاتىن. قورىتىندىعا سايكەس، «ۇزدىك پەداگوگ» بايقاۋىنىڭ ىرىكتەۋ كەزەڭىندە 21 ۇستاز جەڭىمپاز اتاندى. ءۇش پەداگوگ 27-29 قىركۇيەك كۇندەرى قوستاناي قالاسىندا وتكەن رەسپۋبليكالىق كونكۋرستا ۇزدىك دەپ تانىلدى. شىڭعىس جۇمابەكۇلى بايقاۋ جەڭىمپازدارىنا العىس حات جانە قارجىلاي سەرتيفيكاتىن تابىس ەتتى. – مەملەكەت باسشىسى ۇستازداردىڭ اعارتۋشىلىق قىزمەتى، جاس بۋىندى تاربيەلەۋ جولىنداعى تىنىمسىز ەڭبەگى قاشاندا جوعارى باعالاناتىنىن ايتتى. تاۋەلسىزدىكتىڭ 30 جىلىندا شىمكەنت قالاسىنىڭ ءبىلىم سالاسى قوماقتى جەتىستىكتەرگە قول جەتكىزدى. قالانىڭ ءبىلىم بەرۋ ۇيىمدارىندا 28 702 پەداگوگ جۇمىس ىستەيدى. ولاردىڭ جالاقىسى 2020-2021 جىلدارى 50%-عا ارتسا، 2022 جىلى 25%-عا كوبەيەدى. كونكۋرس قورىتىندىسى بويىنشا جەڭىمپازدارعا قالانىڭ "ۇزدىك پەداگوگ" اتاعى بەرىلىپ، ايلىق ەسەپتىك كورسەتكىشتىڭ 300 ەسەلەنگەن (875100 تەڭگە) مولشەرىندە سىياقى تولەنەدى. رەسپۋبليكالىق كونكۋرستىڭ جەڭىمپازدارى «ۇزدىك پەداگوگ» اتاعىمەن ماراپاتتالىپ، "پەداگوگ مارتەبەسى تۋرالى" زاڭدا كورسەتىلگەن تارتىپتە سىياقى تولەنەدى. جەڭىستەرىڭىز قۇتتى بولسىن، ۇستازدار! كاسىبي مەرەكەلەرىڭىزدە مەرەيلەرىڭىز ارتا بەرسىن!، - دەدى قالا اكىمىنىڭ ءبىرىنشى ورىنباسارى قۇتتىقتاۋ سوزىندە. قالا پەداگوگتەرى «ۇزدىك پەداگوگ» اتاعىن بەرۋ قاعيدالارىنىڭ ەرەكشەلىكتەرى بويىنشا جىل بويى ادىستەمەلىك ورتالىق قىزمەتكەرلەرىمەن بىرلەسە جۇيەلى تۇردە جۇمىستار جۇرگىزدى. بايقاۋدىڭ قالالىق كەزەڭىندە جول-كولىك، ساز، يندۋستريالدى-تەحنيكالىق كوللەدجدىڭ، مەكتەپتەردىڭ جانە بالاباقشالاردىڭ ۇستازدارى ءوز بىلىكتىلىگىن بايقاتتى. رەسپۋبليكالىق كەزەڭدە №122 «اقجار» جالپى ورتا مەكتەبىنىڭ تاريح ءپانى مۇعالىمى ش.بەگمانوۆا، م.ح.دۋلاتي اتىنداعى ءۇش تىلدە وقىتاتىن مامانداندىرىلعان №8 گيمنازيانىڭ ماتەماتيكا ءپانى مۇعالىمى ت.حارچەنكو، №1 دارىندى بالالارعا ارنالعان ءىت ليتسەي-ينتەرناتىنىڭ بيولوگيا ءپانى مۇعالىمى ءا.تۇرىشوۆا جەڭىمپاز اتاندى.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз