بۇگىن شىمكەنت قالاسى قاراتاۋ اۋداندىق ارداگەرلەر كەڭەسىنىڭ ۇيىمداستىرۋىمەن قازاقستان رەسپۋبليكاسىنىڭ تاۋەلسىزدىگىنىڭ 30 جىلدىعىنا وراي انالار قاۋىمىنىڭ اراسىندا «اق كيمەشەك-2021» بايقاۋى وتكىزىلدى.
ءىس-شارانىڭ ماقساتى - ەلباسىنىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» باعدارلامالىق ماقالالارىنىڭ نەگىزدەرىندە قازاق حالقىنىڭ سالت-داستۇرلەرىن دارىپتەۋ جانە رۋحاني تاربيە جۇمىستارىن اتقارۋدا ارداگەرلەردىڭ قوعامداعى ورنى مەن ءرولىن كوتەرۋ، جاس ۇرپاقتى حالىقتىڭ سالت-داستۇرلەرىنىڭ نەگىزىندە تاربيەلەۋگە باعىتتالعان.
بايقاۋ بارىسىندا اۋداننىڭ اق جاۋلىقتى انالارى ەرەجەگە سايكەس ءتۇرلى كەزەڭدەر بويىنشا ءوز باقتارىن سىنادى. ءىس-شارا سوڭىندا قاتىسۋشىلار جۇلدەلى ورىندار مەن ارنايى نوميناتسيالارمەن ماراپاتتالدى.
ءىس-شاراعا اۋداننىڭ زيالى قاۋىم وكىلدەرى، ارداگەرلەر جانە جەرگىلىكتى تۇرعىندار قاتىستى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
