شىمكەنتتە كوز اۋرۋلارى بار ناۋقاستاردى قابىلدايتىن زاماناۋي ۇلگىدەگى جاڭا كلينيكا اشىلدى.
جاڭا مەديتسينالىق ورتالىقتىڭ اشىلۋ راسىمىنە پارلامەنت ءماجىلىسىنىڭ دەپۋتاتتارى، دەنساۋلىق ساقتاۋ مينيسترلىگىنىڭ وكىلدەرى جانە شىمكەنت قالاسىنىڭ اكىمى قاتىستى.
ورتالىقتا كونسۋلتاتيۆتى-دياگنوستيكالىق، لازەرلىك ەم بولىمشەلەرى بار. سونىمەن بىرگە كۇندىزگى جانە تاۋلىك بويى جۇمىس ىستەيتىن ستانتسيونارلار اشىلىپ، ناۋقاستارعا 38 توسەك ورنى دايىندالعان.
ناتيجەسىندە، كوز اۋرۋى بار وڭتۇستىك تۇرعىندارى باسقا قالالارعا سابىلماي، شىمكەنتتىڭ وزىندە مەديتسينالىق كومەك الا الاتىن بولادى.
كوز اۋرۋلارى كلينيكاسىندا 81 ادام جۇمىسپەن قامتىلىپ وتىر. وندا
جالپى ادام ورگانيزمىنىڭ كورۋ قابىلەتىمەن بايلانىستى 15 اۋرۋ تۇرلەرى بويىنشا نوزولوگيالىق قىزمەت كورسەتىپ، ەم شارالارىن جۇرگىزەدى. سونىمەن بىرگە وزىق مەديتسينالىق جابدىقتارمەن قامتىلعان كلينيكا العاشقى وتانى بۇگىن جاساماق.
ايتا كەتۋ كەرەك، بيىلدىڭ وزىندە شىمكەنتتە 5 مەديتسينا ورتالىعى اشىلعان. سونداي-اق، الداعى 5 جىلدا 1 اۋرۋحانا، 10 ەمحانا، 12 دارىگەرلىك امبۋلاتوريا سالىنباق.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
