مەملەكەتتىڭ تولىق ەگەمەندىككە يە بولۋىندا ەكونوميكالىق تاۋەلسىزدىكتىڭ ماڭىزى زور. ۇلتتىق قاۋىپسىزدىككە قاتەر تونبەۋى ءۇشىن وتىن مەن جانار-جاعارمايدىڭ، جالپى، ەنەرگيانىڭ كەمىندە 70 پايىزى، ازىق-تۇلىكتىڭ 50 پايىزى جانە جەڭىل ونەركاسىپ ونىمدەرى مەن ءدارى-دارمەكتىڭ 30 پايىزى ءوز ەلىمىزدە ءوندىرىلۋى شارت. دەمەك، فارماتسەۆتيكا – ەكونوميكاداعى ستراتەگيالىق ماڭىزعا يە سەكتوردىڭ ءبىرى. بۇعان كوروناۆيرۋس پاندەمياسى كەزىندە تاعى ءبىر رەت كوز جەتكىزدىك. الەمدەگى ءدارى-دارمەك جاساۋعا قاجەت شيكىزاتتىڭ 90 پايىزىن شىعاراتىن ەكى مەملەكەت – قىتاي مەن ءۇندىستان شەكارالارىن جاۋىپ، ىشكى قاجەتتىلىگىن وتەۋ ءۇشىن اسا ءزارۋ پرەپاراتتاردىڭ ەكسپورتىنا تىيىم سالعان كەزدە بۇكىل دۇنيەجۇزىنىڭ فارماتسەۆتيكا ونەركاسىبى قيىن جاعدايعا تاپ بولدى.
