EF English Proficiency Index búkil álem boıynsha aǵylshyn tilin meńgergen elder boıynsha zertteý júrgizdi. Málimetter boıynsha Ózbekstan 112 ókildiń ishinde 88-orynda, dep habarlaıdy "Adyrna".
Ózbekstan reıtıngte Albanııa men Sırııa arasynda ornalasqan aǵylshyn tilin bilý deńgeıi «óte tómen» dep baǵalanǵan elder tobyna endi.
Ortalyq Azııanyń basqa elderiniń ishinde Qazaqstan 96-shy orynda, Qyrǵyzstan - 101 jáne Tájikstan - 103. Al Túrkimenstan tipti tizimge engen joq.
Aǵylshyn tilin bilý deńgeıi boıynsha tizimde Nıderlandy, Avstrııa jáne Danııa kósh bastap tur.
Sońǵy bir jylda adamdardyń til úırenýge degen qyzyǵýshylyǵy kúrt tómendedi. Pandemııaǵa baılanysty adamdar az saıahattaı bastady, issaparlar da toqtap qaldy jáne sonyń saldarynan til úırený deńgeıi de tómendegen syńaıly. 2019 jyly saýalnama 100 el arasynda, al 2021 jyly 112 el arasynda júrgizildi.
EF EPI 2021 nátıjeleriniń keıbiri mynadaı:
2020 jylmen salystyrǵanda 30 jastan asqan adamdarda progress baıqalady, al 40 jastan asqandar alǵash ret tildi ortasha meńgerý deńgeıindegi topqa endi. Bul tendenııalar eresekterdiń mansabyn damytý kezinde tildik daǵdylardy meńgerý qabiletiniń joǵary ekenin dáleldeıdi.
Gana, Gaıtı, Kongo Demokratııalyq Respýblıkasy, Madagaskar, Mozambık, Moldova, Somalı, Tanzanııa jáne Ońtústik Sýdan ındekske alǵash ret kirý úshin jetkilikti derekterge ıe.
"Adyrna" ulttyq portaly
