قىزىلوردا وبلىسىنىڭ پوليتسيا دەپارتامەنتى 12 جاستاعى جاسوسپىرىمگە ىزدەۋ سالادى، دەپ حابارلايدى «ادىرنا» ءتىلشىسى.
«قاراشانىڭ 16-سى كۇنى ساعات 09:10 شاماسىندا قازالى اۋدانى، كاۋكەي اۋىلدىق وكرۋگى، اجار ەلدى مەكەنىنىڭ تۇرعىنى 22.11.2009 ج.ت. كامەلەتكە تولماعان داۋلەتباي جانارىس عالىمجانۇلى ەسەككە ءمىنىپ، ەلدى مەكەننىڭ كەزەكپەن باعىلاتىن شامامەن 200 باس قويىن شىعىس بەتكەيدەگى 10 – 15 شاقىرىمدا ورنالاسقان «ءۇش اعاش» دەگەن مال جايىلىمدىق جەرگە قاراي باعىت الىپ، ۇيىنە قايتا ورالماعان»،– دەپ مالىمدەدى وبلىستىق پد.
شۇعىل تۇردە وقيعا ورنىنا جەتكەن پوليتسيا قىزمەتكەرلەرى ىزدەستىرۋ جۇمىستارىنا كىرىستى.
ءجاسوسپىرىمنىڭ ەرەكشە بەلگىلەرى: بويى 140 – 150 سم، دەنە ءبىتىمى ارىقتاۋ، شاشى قارا. ۇستىندە قىزىل ءتۇستى كۋرتكا، سارى ءتۇستى سىرماق شالبار، قارا قالپاق، اياعىندا قارا قىستىق اياق – كيىم.
اۋا – رايىنىڭ كۇرت ءوزگەرۋى ىزدەستىرۋ جۇمىستارىن قيىنداتۋدا. جوعالعان ءجاسوسپىرىم تۋرالى قانداي دا ءبىر اقپارات انىقتالعان جاعدايدا قىزىلوردا وبلىسى پوليتسيا دەپارتامەنتىنە، قازالى اۋداندىق پوليتسيا بولىمىنە «102» ارناسىنا، 8 (72438)21-5-17, 8-702-884-68-88, 8-702-892-05-01 شۇعىل تۇردە حابارلاسۋلارىڭىزدى سۇرايمىز.
«ادىرنا» ۇلتتىق پورتالى