شىمكەنتتىك كورەرمەن «قىز جىبەك» وپەراسىنىڭ پرەمەراسىن تاماشالادى. تاۋەلسىزدىكتىڭ 30 جىلدىعىنا وراي ۇلتتىق التىن قورداعى اسىل مۇرامىز سانالاتىن ەۆگەني برۋسيلوۆسكيدىڭ «قىز جىبەك» وپەراسى قالالىق وپەرا جانە بالەت تەاترىنىڭ ساحناسىندا قويىلدى.
تولەگەن مەن جىبەكتىڭ قايعىلى ماحابباتى بەينەلەنگەن وپەرانىڭ ليبرەتتوسىن ادەبيەتىمىزدىڭ كلاسسيگى عابيت مۇسىرەپوۆ قاعازعا تۇسىرسە، مۋزىكاسىن ەۆگەني برۋسيلوۆسكي جازدى. بۇل تۋىندىدا كومپوزيتور حالىق اندەرى مەن كۇيلەرىن شەبەر ورنەكتەي بىلگەن. جاڭاشا جارىق كورگەن كورنەكتى شىعارمانىڭ قويۋشى رەجيسسەرى – ميحايل پاندجاۆيدزە. قويىلىمنىڭ مۋزىكالىق جەتەكشىسى جانە قويۋشى ديريجەرى – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ. ال كوركەمدىك جەتەكشى – مايرا مۇحامەدقىزى.
ناعىز ماحاببات حيكاياسىن كورەرمەندەر 86 جىلدان بەرى ۇلكەن ساحنادا تاماشالاپ كەلە جاتقانىن اتاپ وتكەن ءجون. بىراق بۇل جولى رەجيسسۋرا مەن ستسەنوگرافيادا كورسەتىلگەن وزگەشەلىكتەرگە بايلانىستى وپەرا جاڭاشا شىرقالدى.
ازامات جاپپار
