تاۋەلسىزدىكتىڭ 30 جىلدىعىنا وراي "تۇلپار ءمىنىپ، تۋ العان!" بايقاۋى باستالدى

1861
Adyrna.kz Telegram

شىمكەنت قالاسىنداعى قاراتاۋ ءداستۇرلى ونەر مەكتەبىندە «Qazaq Epos» رەسپۋبليكالىق اعارتۋ جوباسى اياسىندا «تۇلپار ءمىنىپ، تۋ العان!» بايقاۋى باستاۋ الدى.

قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا ۇيىمداستىرىلىپ وتىرعان بايقاۋدىڭ ماقساتى «Qazaq Epos» اعارتۋ جوباسى «تۇلپار ءمىنىپ، تۋ العان!» بايقاۋى ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» ماقالالارىندا جانە قازاقستان رەسپۋبليكاسىنىڭ پرەزيدەنتى ق.ك. توقاەۆتىڭ «تاۋەلسىزدىك بارىنەن قىمبات» اتتى ماقالاسىندا جۇكتەلگەن مىندەتتەردى جۇزەگە اسىرۋ. بايقاۋ شىمكەنت قالاسى ءبىلىم باسقارماسىنا قاراستى ءبىلىم بەرۋ مەكەمەلەرىنىڭ 6-10 سىنىپ وقۋشىلارىنىڭ اراسىندا وتكىزىلۋدە.

بايقاۋدىڭ ەرەجەسىنە سايكەس قاتىسۋشىلار «ەدىگە باتىر» جىرىن جاتقا ايتىپ، جىردىڭ ىشىندەگى كونەرگەن، تاريحي سوزدەردىڭ ماعىناسىن اشىپ، 6-10 سىنىپتىڭ قازاق ءتىلى مەن ادەبيەتى وقۋلىعى بويىنشا ازىرلەنگەن سۇراقتارعا جاۋاپ بەرەدى. 1-ءشى ورىن يەلەنگەن جەڭىمپاز وقۋشى رەسپۋبليكالىق بايقاۋعا جولداما الادى.

پىكىرلەر