پرەمەر-مينيستر اسقار مامين ۇكىمەت پەن رەسەيلىك "سبەر" اراسىنداعى مەموراندۋمدى قاجەتتىلىك دەپ سانايدى. بۇل تۋرالى ول باق رەداكتورلارىمەن كەزدەسۋدە مالىمدەدى، دەپ حابارلايدى "ادىرنا" ۇلتتىق پورتالى.
- تەك "سبەر"پلاتفورماسى بىزگە كودتاردى الۋعا جانە اقپاراتتىق قاۋىپسىزدىك ورگاندارىندا كودتاردى ساقتاۋعا مۇمكىندىك بەرەدى. ياعني، شىن مانىندە، ءبىز جەكە دەرەكتەردىڭ قورعالۋىنا كەپىلدىك بەرەمىز. قازاقستاندا 400-گە جۋىق اقپاراتتىق جۇيە بار، ولاردىڭ بارلىعى ءبىر-بىرىمەن ناشار ارەكەتتەسەتىنىن ايتا كەتۋ كەرەك. دەرەكتەردە ايىرماشىلىقتار بار جانە بۇل ارقاشان ءتيىمدى بولا بەرمەيدى. پلاتفورما ارقىلى ءبىز بۇل ماسەلەنى شەشە الامىز دەپ ۇمىتتەنەمىز. جۇمىسقا جەرگىلىكتى قازاقستاندىق IT سەكتورى تارتىلاتىن بولادى. سوندىقتان، ءبىزدىڭ ازاماتتار تسيفرلىق ەگەمەندىكتىڭ جوعالۋى نەمەسە جەكە دەرەكتەردىڭ جويىلىپ كەتۋى تۋرالى الاڭداماۋى كەرەك. بۇعان ۇكىمەت جاۋاپتى، - دەدى مامين سۇراققا جاۋاپ بەرە وتىرىپ.
ول ءارى قاراي تسيفرلىق ترانسفورماتسيا تۇرعىسىنان بۇل جاي عانا قاجەتتىلىك ەكەنىن اتاپ ءوتتى.
- تاعى دا ايتامىن، تسيفرلىق دامۋ مينيسترلىگى كەلىسسوزدەر جۇرگىزۋدە جانە ءبىز ەشكىمدە ەشقانداي سۇراقتار تۋىنداماۋى ءۇشىن ءبىزدىڭ قوعامدى حاباردار ەتەتىن بولامىز، – دەپ قوستى مامين.
ەسكە سالا كەتەيىك، وسى جىلدىڭ قىركۇيەك ايىندا پرەمەر-مينيستر اسقار مامين مەن "سبەر" كومپانيا توبىنىڭ باسشىسى گەرمان گرەف قازاقستاننىڭ تسيفرلىق ترانسفورماتسياسى بويىنشا جوبالاردى ىسكە اسىرۋ سالاسىنداعى ىنتىماقتاستىق تۋرالى مەموراندۋمعا قول قويدى. كەيىنىرەك الەۋمەتتىك جەلىلەردە قازاقستان ۇكىمەتىنىڭ سەرۆيستەرىن تسيفرلاندىرۋ ءۇشىن رەسەيلىك كومپانيالار توبىنىڭ تارتىلۋىنا بايلانىستى جانجال تۋىنداعان بولاتىن.
"ادىرنا" ۇلتتىق پورتالى
