14 qarashada Kabýlda «Talıban» qozǵalysy amerıkandyq jáne reseılik tikushaqtardyń trofeılik bronetransporterlerin qoldana otyryp áskerı sherý ótkizdi, dep habarlaıdy "Adyrna" ulttyq portaly Reuters-ke silteme jasaı otyryp.
Sherýge ondaǵan amerıkandyq m117 quryshpen qaptalǵan mashınalary, Mı-17 tikushaqtary qatysty. Kóptegen sarbazdar amerıkandyq M4 avtomattarymen qarýlanǵan.
Qorǵanys mınıstrliginiń resmı ókili Enaıatýlla Horezmıdiń málimdeýinshe, bul sherý jańadan daıyndalǵan 250 sarbazdyń shyǵarylýymen tuspa-tus kelgenin jáne "Talıbannyń" kóterilisshiler kúshinen turaqty armııaǵa aınalǵanyn kórsetti.
Aıta keteıik, buǵan deıin BAQ "Talıban" oljalaryn eseptep, Aýǵanstandaǵy bılikti basyp alǵannan keıin toptyń áskerı áleýetin baǵalaǵan bolatyn. AQSh barlaý qyzmetiniń aldyn-ala baǵalaýy boıynsha, sodyrlardyń qolynda 2 myń dońǵalaqty brondy tehnıka, HMMWV armııalyq jol talǵamaıtyn kólikter jáne 40-tan astam ushaq, sonyń ishinde UH-60 Black Hawks tikushaqtary men ScanEagle drondary bar.
"Adyrna" ulttyq portaly
