كۇيەۋ جىگىتسىز وتكەن توي قازاقستاندىقتاردى تاڭعالدىردى

2306
Adyrna.kz Telegram

ايتىسكەر اقىن سارا توقتامىسوۆا ءوزىنىڭ ينستاگرامداعى پاراقشاسىندا كۇيەۋ بالاسىز وتكەن توي تۋرالى جازبا قالدىردى دەپ حابارلايدى "ادىرنا" ۇلتتىق پورتالى.

"بۇل ءبىر بولەك ۇزاتۋ. نەگە دەيسىز عوي؟ كۇيەۋ بالاسىز توي. بۇل بiرعانىم دەيتىن سۇلۋ قىز. كۇيەۋ بالامەن امەريكادا وقىپ جۇرگەندە تانىسادى. مەيراس دەگەن ىستىنىڭ بالاسى. كۇيەۋ بالا امەريكادان ۆيزاسىنىڭ الەگى شەشىلمەي، جەتە الماي قالادى. بiرعانىم اتىنا ساي بiر اياۋلى قىز ەكەن. ءبىر جاعى مەنىڭ شىمكەنتتە تانىسقانىم ءۆيزاجيستىم- رانومنىڭ ءسىڭىلىسى. توي باستالاردا، الىپ شىعاردا كوزى مولدىرەپ قوبالجىپ تۇر ەكەن. شىعىپ كەلە جاتىپ، جانىڭدامىن دەگەندەي قولىنان ۇستاپ قىسىپ-قىسىپ قويدىم. ماعان قاراپ قويادى. كەرەمەت ادەمi باستالعان جوق پا؟ قارانىزدارشى؟ سiزدەردiڭ دە قىزدارىنىز ءوسiپ كەلە جاتقان شىعار؟ قىز ۇزاتۋىنىزدىڭ قالاي باستالعانىن ارماندايسىز؟", — دەپ جازدى ايتىسكەر اقىن.

الايدا سارا توقتامىسوۆا بۇل تويدىڭ ءدال قاي قالادا، قاي مەيرامحانادا وتكەنى تۋرالى اقپارات بەرمەپتى. دەگەنمەن قازاقستاندىقتاردى مۇنداي تويدىڭ بولعانى تاڭعالدىرۋدا. كەيبىر ادامدار قالىڭدىقتى جالعىز قالدىرعان كۇيەۋ جىگىتكە شۇيلىگۋدە. ەڭ قىزىعى، تويدا قالىڭدىق تورگە وتىرىپ، قوناقتار تاراپىنان ايتىلعان تىلەكتى جالعىز وتىرىپ تىڭداعان. 

 

 

  "ادىرنا" ۇلتتىق پورتالى.

 

پىكىرلەر