Aıtysker aqyn Sara Toqtamysova óziniń ınstagramdaǵy paraqshasynda kúıeý balasyz ótken toı týraly jazba qaldyrdy dep habarlaıdy "Adyrna" ulttyq portaly.
"Bul bir bólek uzatý. Nege deısiz ǵoı? Kúıeý balasyz toı. Bul Birǵanym deıtin sulý qyz. Kúıeý balamen Amerıkada oqyp júrgende tanysady. Meıras degen Ystynyń balasy. Kúıeý bala Amerıkadan vızasynyń álegi sheshilmeı, jete almaı qalady. Birǵanym atyna saı bir aıaýly qyz eken. Bir jaǵy meniń Shymkentte tanysqanym vızajıstim- Ranomnyń sińilisi. Toı bastalarda, alyp shyǵarda kózi móldirep qobaljyp tur eken. Shyǵyp kele jatyp, janyńdamyn degendeı qolynan ustap qysyp-qysyp qoıdym. Maǵan qarap qoıady. Keremet ádemi bastalǵan joq pa? Qaranyzdarshy? Sizderdiń de qyzdarynyz ósip kele jatqan shyǵar? Qyz uzatýynyzdyń qalaı bastalǵanyn armandaısyz?", — dep jazdy aıtysker aqyn.
Alaıda Sara Toqtamysova bul toıdyń dál qaı qalada, qaı meıramhanada ótkeni týraly aqparat bermepti. Degenmen qazaqstandyqtardy mundaı toıdyń bolǵany tańǵaldyrýda. Keıbir adamdar qalyńdyqty jalǵyz qaldyrǵan kúıeý jigitke shúıligýde. Eń qyzyǵy, toıda qalyńdyq tórge otyryp, qonaqtar tarapynan aıtylǵan tilekti jalǵyz otyryp tyńdaǵan.
"Adyrna" ulttyq portaly.
