مىسىردا تولاسسىز جاڭبىر سالدارىنان باسپانالارىنان شىققان شاياندار 400-دەن استام ادامدى شاعىپ العان دەپ حابارلايدى "ادىرنا" ۇلتتىق پورتالى ۆۆس-گە سىلتەمە جاساپ.
ەلدىڭ وڭتۇستىگىندە ورنالاسقان اسۋان قالاسىندا بۇرشاق ارالاس جاڭبىر جاۋعان. جاڭبىر شايىپ، شايانداردىڭ ىندەرىن سۋ باسقان، ال جاندىكتەر جاۋىننان قالا ۇيلەرىنەن پانا ىزدەي باستاعان.
قازىر اسۋان كوشەلەرىندە ناعىز شايانداردىڭ شابۋىلى ءجۇرىپ جاتىر، ولار كوشەلەرمەن جورعالاپ، اعاشتاردان ادامداردىڭ ۇستىنە قۇلاۋدا .
مىسىر دەنساۋلىق ساقتاۋ مينيسترلىگىنىڭ مالىمەتى بويىنشا، شاياندار كەم دەگەندە 450 ادامدى شاعىپ العان. بىرقاتار مىسىرلىق باق قايتىس بولعاندار تۋرالى حابارلادى، بىراق بۇل اقپارات رەسمي راستالعان جوق.
وسى جاعدايعا بايلانىستى دارىگەرلەر شايان شاعىپ العان ناۋقاستارعا كومەك كورسەتۋ ءۇشىن تۇرعىنداردى ەكپە الۋشىلار تىزىمىنەن الىپ تاستادى.
مىسىردىڭ وڭتۇستىگىندەگى مەديتسينالىق ورتالىقتار، سونىڭ ىشىندە شالعاي اۋىلدارداعى مەديتسينالىق پۋنكتتەر تۇرعىندارعا شاياننىڭ ۋىنا قارسى دوزالار بەرىپ جاتىر. سونداي-اق تۇرعىنداردى ۇيلەرىنەن شىقپاۋعا جانە اعاشتاردان اۋلاق جۇرۋگە شاقىرۋدا.
"ادىرنا" ۇلتتىق پورتالى.
