NASA كليماتتىڭ سالدارىنان الەمدە قاشان ەگىن جيناۋ مۇمكىن بولمايتىنىن ەسەپتەدى، دەپ حابارلايدى "ادىرنا" ۇلتتىق پورتالى.
"اۋىل شارۋاشىلىعى كليماتتىڭ وزگەرۋىنەن قاتتى زارداپ شەگەدى. NASA عارىش اگەنتتىگى جۇرگىزگەن زەرتتەۋلەر ماڭىزدى ازىق-تۇلىك ونىمدەرىنىڭ قاشان تاپشى بولاتىنىن كورسەتتى", - دەپ جازدى نەمىس گازەتى Frankfurter Rundschau.
اتالعان باسىلىمدا بولاشاقتا كليماتتىڭ وزگەرۋى ماڭىزدى ازىق-تۇلىك ونىمدەرىن وسىرۋگە تەرىس اسەر ەتە باستايتىنىن اتاپ ءوتتى. ونىڭ ىشىندە جۇگەرى وسىرۋگە ەرەكشە اسەر ەتەدى.
"NASA-نىڭ جاقىندا جۇرگىزگەن زەرتتەۋىنە سايكەس، كليماتتىڭ وزگەرۋى وسى وسىمدىككە ايرىقشا اسەر ەتۋى مۇمكىن. كۇندەلىكتى ومىردە ادامدار پوپكورننان باستاپ سيىرلار مەن تاۋىقتاردى تاماقتاندىرۋعا دەيىن وسى جۇگەرى سياقتى امبەباپ ءداندى داقىلداردى قولدانىپ كەلەدى. بۇل — الەمدەگى ەڭ ماڭىزدى داقىلداردىڭ ءبىرى", - دەپ جازدى گازەت.
NASA زەرتتەۋشىلەرى جەردەگى تەمپەراتۋرانىڭ كوتەرىلۋىن ەسەپتەگەن، سونىمەن قاتار جاۋىن-شاشىننىڭ وزگەرۋى مەن اتموسفەراداعى گاز كونتسەنتراتسياسىنىڭ جوعارىلاۋىن نازاردان تىس قالدىرماعان.
بولجامدار بويىنشا اۋا رايىنىڭ سونشالىقتى ىستىق بولۋىنا بايلانىستى الەمدە 2030 جىلعا قاراي اۋىل شارۋاشىلىعى سالاسىندا داقىلدار ونىمدىلىگى ازايادى.
"ادىرنا" ۇلتتىق پورتالى.
