شىمكەنتتە سەگىز ايدا ينۆەستيتسيا كولەمى 32,5 پايىزعا ارتتى

973
Adyrna.kz Telegram

شىمكەنت قالاسىندا وسى جىلدىڭ قاڭتار-تامىز ايلارىندا نەگىزگى كاپيتالعا سالىنعان ينۆەستيتسيالار كولەمى 201,1 ملرد تەڭگەنى قۇراپ، 32,5 پايىزعا ارتتى. ونىڭ ىشىندە مەملەكەتتىك بيۋدجەتتەن 57,5 ملرد. تەڭگە، جەكە كوزدەردەن 143,6 ملرد.تەڭگە ينۆەستيتسيا تارتىلعان.

وتكەن جىلدىڭ ءتيىستى كەزەڭىندە بۇل كورسەتكىش 147,9 ملرد. تەڭگەنى قۇراسا، جەكەمەنشىك ينۆەستيتسيانىڭ ۇلەسى 56 پايىز شاماسىندا بولاتىن.
ينۆەستورلار ونەركاسىپ جوبالارىمەن قوسا، تۇرعىن ءۇي قۇرىلىسى، اۋىلشارۋاشىلىعى، بايلانىس، مەديتسينا، ءبىلىم، سپورت، كولىك قاتىناسى، تاعى باسقا ەكونوميكا سەكتورلارىنا قارجى باعىتتاۋدا.

قالادا جىل باسىنان بەرى ينۆەستيتسيا قۇنى 12,6 ملرد. تەڭگەنى قۇرايتىن 5 جوبا «وڭتۇستىك»، «تاسساي» يندۋستريالدى ايماقتارى مەن وڭتۇستىك» ارنايى ەكونوميكالىق ايماعىندا اشىلعان. ناتيجەسىندە جاڭادان 200-دەن استام جۇمىس ورنى اشىلعان.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر