باسكەتبولدان قازاقستان ايەلدەر قۇراماسى «ۆ» ديۆيزيونىنداعى كوماندالار اراسىنداعى ازيا كۋبوگىنىڭ فينالىنا جولداما الۋعا جانە يوردانيا قۇراماسىنان ەسەسىن قايتارۋدىڭ شاق الدىندا بولدى. وكىنىشكە قاراي، جارتىلاي فينالدىق باسەكەدە ەسە جىبەرىپ، ەندى ءۇشىنشى ورىن ءۇشىن باق سىنايدى، دەپ حابارلايدى "ادىرنا" ۇلتتىق پورتالى.
قر ۇوك رەسمي سايتىنىڭ حابارلاۋىنشا، قازاق قىزدارى قارسىلاستارىنا بارىنشا قارسى تۇردى. بىراق سوڭىندا ساتتىلىك تۋرنير قوجايىندارى جاعىندا بولدى.
قازاقستاندىق قۇرامانىڭ قارسىلاستارى باستاپقى لاقتىرۋدا جەڭىسكە جەتىپ، ءبىرىنشى شابۋىلدا-اق ەسەپ اشتى. باسكەتبولشىلارىمىزدىڭ جاۋابى كوپ كۇتتىرمەدى، ولار ويىندا العاشقى ۇشتىكتى سوعىپ، العا شىقتى. ەكى كوماندانىڭ ويىنىنداعى كەلەسى بىرنەشە شابۋىلدار ناتيجەسىز قالدى، سودان كەيىن قارسىلاستار بىرتىندەپ العا شىعا باستادى.
ويىننىڭ ەكىنشى جارتىسى ناتيجەلى بولدى دەۋگە كەلمەدى. سوڭعى ءۇش مينۋتتا پاركەت قوجايىندارى شيرەكتەگى العاشقى ۇپايلارعا قول جەتكىزىپ، ايتارلىقتاي ناتيجەلى ونەر كورسەتسە دە، قازاقستان قۇراماسى دا دەس بەرمەدى. ءبىرىنشى تايمنىڭ اياقتالۋىنا ون سەكۋند قالعاندا ەسەپ تەڭ بولعانىمەن، سوڭعى شابۋىل يوردانيادا قالدى – 28:26.
قازاقستان قۇراماسى فينالعا وتە الماي، ەندى ءۇشىنشى ورىن ءۇشىن ماتچقا شىعىپ، ءبىرىنشى جارتىلاي فينالدىق كەزدەسۋدە ليۆان قۇراماسىنان جەڭىلىپ قالعان يندونەزيادان ەسەسىن قايتارۋعا تىرىسادى.
"ادىرنا" ۇلتتىق پورتالى
