Basketboldan Qazaqstan áıelder quramasy «V» dıvızıonyndaǵy komandalar arasyndaǵy Azııa kýbogynyń fınalyna joldama alýǵa jáne Iordanııa quramasynan esesin qaıtarýdyń shaq aldynda boldy. Ókinishke qaraı, jartylaı fınaldyq básekede ese jiberip, endi úshinshi oryn úshin baq synaıdy, dep habarlaıdy "Adyrna" ulttyq portaly.
QR UOK resmı saıtynyń habarlaýynsha, qazaq qyzdary qarsylastaryna barynsha qarsy turdy. Biraq sońynda sáttilik týrnır qojaıyndary jaǵynda boldy.
Qazaqstandyq quramanyń qarsylastary bastapqy laqtyrýda jeńiske jetip, birinshi shabýylda-aq esep ashty. Basketbolshylarymyzdyń jaýaby kóp kúttirmedi, olar oıynda alǵashqy úshtikti soǵyp, alǵa shyqty. Eki komandanyń oıynyndaǵy kelesi birneshe shabýyldar nátıjesiz qaldy, sodan keıin qarsylastar birtindep alǵa shyǵa bastady.
Oıynnyń ekinshi jartysy nátıjeli boldy deýge kelmedi. Sońǵy úsh mınýtta parket qojaıyndary shırektegi alǵashqy upaılarǵa qol jetkizip, aıtarlyqtaı nátıjeli óner kórsetse de, Qazaqstan quramasy da des bermedi. Birinshi taımnyń aıaqtalýyna on sekýnd qalǵanda esep teń bolǵanymen, sońǵy shabýyl Iordanııada qaldy – 28:26.
Qazaqstan quramasy fınalǵa óte almaı, endi úshinshi oryn úshin matchqa shyǵyp, birinshi jartylaı fınaldyq kezdesýde Lıvan quramasynan jeńilip qalǵan Indonezııadan esesin qaıtarýǵa tyrysady.
"Adyrna" ulttyq portaly
