قازاقستاندا 2024 جىلى جەڭىل اتلەتيكادان الەم چەمپيوناتى ءوتۋى مۇمكىن

2958
Adyrna.kz Telegram

الماتىدا ۇلتتىق وليمپيادا كوميتەتىنىڭ پرەزيدەنتى تيمۋر قۇلىباەۆ ازيا جەڭىل اتلەتيكا قاۋىمداستىعىنىڭ پرەزيدەنتى داحلان ال-حامادتى قابىلدادى، دەپ حابارلايدى "ادىرنا" ۇلتتىق پورتالى قازاقستان رەسپۋبليكاسىنىڭ ۇوك-عا سىلتەمە جاساپ.

وتىرىسقا قازاقستان رەسپۋبليكاسى جەڭىل اتلەتيكا فەدەراتسياسىنىڭ پرەزيدەنتى دانيال احمەتوۆ تە قاتىستى.

"جەڭىل اتلەتيكا - ەڭ تانىمال سپورت تۇرلەرىنىڭ ءبىرى. قازاقستاننىڭ جەڭىل اتلەتيكالىق باي داستۇرلەرى بار. سوندىقتان بۇل سپورت ءتۇرىن دامىتۋ ءبىز ءۇشىن باسىم باعىتتاردىڭ ءبىرى بولىپ تابىلادى. قازاقستاننىڭ ۇلتتىق وليمپيادا كوميتەتى ازيا جەڭىل اتلەتيكا قاۋىمداستىعىمەن جانە باسقا حالىقارالىق ۇيىمدارمەن ىنتىماقتاستىق ءۇشىن - اشىق", دەدى تيمۋر قۇلىباەۆ.

ايماقتا جەڭىل اتلەتيكانىڭ دامۋ پەرسپەكتيۆالارى، نۇر-سۇلتاندا وڭىرلىك جەڭىل اتلەتيكا ورتالىعىن قۇرۋ جوباسى جانە 2024 جىلى قازاقستاندا جەڭىل اتلەتيكادان الەم چەمپيوناتىن وتكىزۋ مۇمكىندىگى تالقىلاندى.

"2022 جىلى قازاقستاندا جەڭىل اتلەتيكادان ازيا چەمپيوناتى وتەدى. ايماقتىڭ 45 ەلىنەن 600-دەن استام سپورتشى قاتىسپاق. بۇل وقيعا 2024 جىلعى الەم چەمپيوناتى الدىنداعى سىناق وقيعاسى بولۋى كەرەك.
مەن قازاقستاندا وليمپيادالىق سپورت تۇرلەرى قالاي قارقىندى دامىپ كەلە جاتقانىن كورەمىن. ءسىزدىڭ سپورتتىق عيماراتتاردى سالۋعا دەگەن كوزقاراسىڭىز ماعان ەرەكشە اسەر قالدىردى. نۇر-سۇلتانداعى Qazaqstan كەشەنى - مەن بۇرىن-سوڭدى كورمەگەن ەرەكشە عيمارات", دەپ ءبولىستى داحلان ءال-حاماد.

ازيا جەڭىل اتلەتيكا قاۋىمداستىعىنىڭ پرەزيدەنتى قازاقستانعا XXX Qosanov Memorial حالىقارالىق ءتۋرنيرىنىڭ اشىلۋىنا كەلدى. مەرەيتويلىق تۋرنير دۇنيەجۇزىلىك جەڭىل اتلەتيكا كونتينەنتالدى تۋرى اياسىندا قولا بەلگىسى مارتەبەسىمەن وتكىزىلەدى. توكيوداعى وليمپيادا ويىندارىنا ليتسەنزيالار ويناتىلادى.

"ادىرنا" ۇلتتىق پورتالى

 

پىكىرلەر