شىمكەنت قالاسىنىڭ اباي اۋدانى اكىمى اپپاراتىنىڭ ۇيىمداستىرۋىمەن تاۋەلسىزدىكتىڭ 30 جىلدىعىنا وراي، «ىزگىلىكتە جارىسايىق» قايىرىمدىلىق قورىنىڭ قولداۋىمەن «اناعا حات» شىعارماشىلىق بايقاۋى وتكىزىلۋدە.
جوبانىڭ ماقساتى – انا مەن بالانىڭ اراسىنداعى ماحابباتتىڭ ولشەمىن دارىپتەپ، نەگىزىن ناسيحاتتاۋ، بالانىڭ اناسىنا دەگەن ايتىپ جەتكىزە المايتىن العىسىن كورسەتۋ، الشاقتىقتى جاقىنداتۋ، ساعىنۋ، اتا-اناسى الدىنداعى پارىزىن تەرەڭ سەزىنە ءبىلۋى ارقىلى ۇرپاق تاربيەسىن ۇلىقتاۋ ت.ب. جۇرەكتەن شىققان سەزىمىن اق قاعازعا ءتۇسىرىپ ويىمەن ءبولىسۋ بولىپ تابىلادى.
بايقاۋ شارتتى بويىنشا، بەلگىلەنگەن ەلەكتروندى پوشتاعا كەلىپ تۇسكەن شىعارما حاتتارىن قازىلار القاسى تالقىلاپ، وسى ايدىڭ ىشىندە جەڭىمپازداردى انىقتاۋ ءۇشىن وتىرىس ۇيىمداستىرىلاتىن بولادى.
ايتا كەتەيىك، بايقاۋ ناتيجەسى بويىنشا جۇزدەن جۇيرىك اتانعان جەڭىمپازداردى ماراپاتتاۋ ءراسىمى وتەتىن بولادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
