قوستاناي وبلىسى اكىمدىگىنىڭ تىلدەردى دامىتۋ باسقارماسىنىڭ ۇيىمداستىرۋىمەن ىبىراي ءالتىنساريننىڭ 180 جىلدىعىنا وراي «ىبىراي وقۋلارى» اتتى وبلىستىق بايقاۋ ونلاي فورماتتا ءوتتى.
نەگىزگى ماقساتى – ىبىراي ءالتىنساريننىڭ ومىرىمەن تانىستىرۋ، رۋحاني اسىل-مۇرالارىن ناسيحاتتاۋ، جازۋشىنىڭ شىعارمالارى ارقىلى قوعامدىق ىنتىماقتاستىقتى ورنىقتىرۋ، كوركەمسوز وقۋ شەبەرلىگىن، ءتىل مادەنيەتىن جەتىلدىرۋ.
بايقاۋعا 18 – 29 جاس ارالىعىنداعى جاستار، بارلىعى 39 ادام قاتىستى.
قازىلار القاسىنىڭ شەشىمى بويىنشا «مەنىڭ ءپىرىم – ىبىراي» نوميناتسياسىنا قوستاناي قالاسىنىڭ №14 مەكتەبىنىڭ مۇعالىمى ا.امانباەۆا، «التىنسارين مۇراسىنىڭ بىلگىرى» نوميناتسياسىنا ارقالىق قالاسى №2 امبەباپ عىلىمي كىتاپحاناسىنىڭ قىزمەتكەرى ە.اۋەزحان، «ىبىرايدى وقيمىن دا توقيمىن» نوميناتسياسىنا مەڭدىقارا اۋدانىنىڭ تىلدەردى وقىتۋ ورتالىعىنىڭ وقىتۋشىسى ي.مۋسينوۆ يەلەندى.
بايقاۋدا باقتارى جانىپ، جۇلدەلى ورىندارعا يە بولعاندار ارنايى سىيلىقتارعا يە بولدى. بۇل رەتتە
ءى ورىندى ارقالىق قالاسىنداعى ب.مايلين اتىنداعى №3 مەكتەپتىڭ مۇعالىمى ءاسالىمجان، ءىى ورىندى ىبىراي التىنسارين مەموريالدىق مۋزەيىنىڭ قور ءبولىمىنىڭ سەكتور مەڭگەرۋشىسى س.مىرزاباي،
ءىىى ورىندى سارىكول اۋدانىنىڭ ۋريتسك مەكتەپ-ليتسەيىنىڭ مۇعالىمى ە.ءومىرتاي يەلەندى.
-بايقاۋ بارىسىندا جاستار ءبىر جاعىنان ىبىراي ءالتىنساريننىڭ شىعارمالارىن جاقسى بىلەتىندىكتەرىن كورسەتتى. ونى تەك وقىپ قويماي، ونداعى ونەگەنى جادىنا توقۋدى دا باستى نازاردا ۇستاعاندارى جۇلدەلى ورىندارعا يە بولدى. تانىمدىق-تاعىلىمدىق جاعى مول بۇل بايقاۋدا تەك ءبىلىمدى دە بىلىكتى جاس ماماندار باق سىنادى،-دەيدى تىلدەردى دامىتۋ باسقارماسىنىڭ ءبولىم باسشىسى باقىتگۇل سۇلەيمەنوۆا.
جۇلدەگەرلەر ديپلوممەن، ىبىرايتانۋشى-عالىم سەرىكباي وسپانوۆتىڭ «ىبىراي جولى» كىتابىمەن، ىبىراي ءالتىنساريننىڭ 180 جىلدىعىنا ارنايى جاسالعان ستاتۋەتكالارمەن ماراپاتتالدى.
اياگوز كاكىمجانوۆا
