Qostanaı oblysy ákimdiginiń tilderdi damytý basqarmasynyń uıymdastyrýymen Ybyraı Altynsarınniń 180 jyldyǵyna oraı «Ybyraı oqýlary» atty oblystyq baıqaý onlaı formatta ótti.
Negizgi maqsaty – Ybyraı Altynsarınniń ómirimen tanystyrý, rýhanı asyl-muralaryn nasıhattaý, jazýshynyń shyǵarmalary arqyly qoǵamdyq yntymaqtastyqty ornyqtyrý, kórkemsóz oqý sheberligin, til mádenıetin jetildirý.
Baıqaýǵa 18 – 29 jas aralyǵyndaǵy jastar, barlyǵy 39 adam qatysty.
Qazylar alqasynyń sheshimi boıynsha «Meniń pirim – Ybyraı» nomınaııasyna Qostanaı qalasynyń №14 mektebiniń muǵalimi A.Amanbaeva, «Altynsarın murasynyń bilgiri» nomınaııasyna Arqalyq qalasy №2 ámbebap ǵylymı kitaphanasynyń qyzmetkeri E.Áýezhan, «Ybyraıdy oqımyn da toqımyn» nomınaııasyna Meńdiqara aýdanynyń tilderdi oqytý ortalyǵynyń oqytýshysy I.Mýsınov ıelendi.
Baıqaýda baqtary janyp, júldeli oryndarǵa ıe bolǵandar arnaıy syılyqtarǵa ıe boldy. Bul rette
I oryndy Arqalyq qalasyndaǵy B.Maılın atyndaǵy №3 mekteptiń muǵalimi ASálimjan, II oryndy Ybyraı Altynsarın memorıaldyq mýzeıiniń qor bóliminiń sektor meńgerýshisi S.Myrzabaı,
III oryndy Sarykól aýdanynyń Ýrık mektep-lıeıiniń muǵalimi E.Ómirtaı ıelendi.
-Baıqaý barysynda jastar bir jaǵynan Ybyraı Altynsarınniń shyǵarmalaryn jaqsy biletindikterin kórsetti. Ony tek oqyp qoımaı, ondaǵy ónegeni jadyna toqýdy da basty nazarda ustaǵandary júldeli oryndarǵa ıe boldy. Tanymdyq-taǵylymdyq jaǵy mol bul baıqaýda tek bilimdi de bilikti jas mamandar baq synady,-deıdi tilderdi damytý basqarmasynyń bólim basshysy Baqytgúl Súleımenova.
Júldegerler Dıplommen, ybyraıtanýshy-ǵalym Serikbaı Ospanovtyń «Ybyraı joly» kitabymen, Ybyraı Altynsarınniń 180 jyldyǵyna arnaıy jasalǵan statýetkalarmen marapattaldy.
Aıagóz KÁKIMJANOVA
