الماتى وبلىسى ۆاكتسيناتسيا جۇمىستارى بويىنشا ەلىمىزدە ەڭ بەلسەندى وڭىرلەردىڭ قاتارىندا. بۇگىندە جەتىسۋلىقتاردىڭ 70 پايىزعا جۋىعى ەكپە قابىلداعان. بۇل تۋرالى "جەتىسۋ" گازەتى حابارلادى. قازىرگى كەزدە وبلىستا ۆاكتسينانىڭ 1-كومپونەنتىنەن 81 223 دوزا جانە ەكىنشى كومپونەنتىنەن 149 138 دوزا قالعان. 823 797 (69%) ادام ۆاكتسينانىڭ ءبىرىنشى كومپونەنتىن، ەكىنشىسىن 746 691 (62%) العان.
الماتى وبلىستىق سانيتارلىق-ەپيدەميولوگيالىق دەپارتامەنتى وكىلدەرىنىڭ ايتۋىنشا، جىل باسىنان بەرى ايماققا ەكپەنىڭ ءبىرىنشى دوزاسىنان 905 020, ەكىنشى دوزاسىنان 895 150 دانا جەتكىزىلگەن. ايتا كەتەيىك، وبلىستا بالقاش جانە اقسۋ اۋدانىنىڭ تۇرعىندارى 100 پايىز ەكپە قابىلداعان. وڭىرلەردە ۆاكتسيناتسيا بويىنشا ەشقانداي شاعىم تۇسپەگەن، ەكپە جۇمىسى جوسپارمەن جۇزەگە اسۋدا. وبلىستا 244 ەكپە پۋنكتى بار. ونىڭ 80-ءى جىلجىمالى.
بۇگىندە تۇرعىنداردىڭ باسىم كوپشىلىگى ىندەتتى توقتاتۋدىڭ جالعىز امالى - ەكپەلەنۋ ەكەنىن تۇسىنگەن. "ۆاكتسينالاۋ باستالا سالىپ ءبىز، زايىبىم ەكەۋمىز العاشقىلاردىڭ ءبىرى بولىپ كەلىپ، ەكپە قابىلدادىق. ادامداردىڭ نەدەن قورقاتىنىن تۇسىنبەيمىن. ءارتۇرلى جەل سوزدەرگە سەنبەۋ كەرەك. ۆيرۋستان ساقتانعان قايتا جاقسى ەمەس پە؟ بىلتىر ىندەت ورشىگەن جازدا ەكپە قاشان شىعادى دەپ سارىلا كۇتىپ ەدىك. ءوزىمىزدىڭ دە، وزگەنىڭ دەنساۋلىعىن ويلاۋ ماڭىزدى!" - دەيدى تالدىقورعان قالاسىنىڭ تۇرعىنى جەكەن وتەشوۆ.
كوكسۋ اۋدانىنىڭ تۇرعىنى البينا اتاناسوۆا دا وسى پىكىردە. ول ادامداردى ىندەتكە سالعىرت قاراماۋعا شاقىردى. "كوروناۆيرۋس قانا ەمەس، كەز كەلگەن اۋرۋدى توقتاتاتىن ۆاكتسينا ەمەس پە؟ مەن ءوز ەركىممەن ەكى كومپونەنتتى دە سالدىرىپ الدىم. ەندى قايتا ەكپەلەنۋدى كۇتىپ ءجۇرمىن", - دەيدى كوكسۋلىق تۇرعىن.
قازىرگى تاڭدا وبلىستا ەكپەگە قاتىستى ءتۇسىندىرۋ جۇمىستارى جالعاسۋدا. جۋىردا "ەل ءۇشىن ەگىلەمىن" ازاماتتىق شتابى تالدىقورعانعا كەلىپ، تۇرعىندارمەن كەزدەستى. ولار ىندەتپەن كۇرەس، ەكپە الۋ، ونىڭ پايداسى تۋرالى ەل اراسىندا رەسمي اقپارات تاراتادى.
ەسكە سالايىق، بۇگىن تۇندە قازاقستانعا Pfizer ەكپەسىنىڭ العاشقى پارتياسى جەتكىزىلدى. الماتى وبلىسىندا اقش عالىمدارى جاساعان ۆاكتسينانى ساقتاۋ ءۇشىن توڭازىتقىشتار جاساقتالۋدا. بۇل ەكپە 12-18 جاس ارالىعىنداعى بالالار مەن جاسوسپىرىمدەرگە، جۇكتى جانە لاكتاتسيا كەزەڭىندەگى ايەلدەرگە ارنالعان.
"ادىرنا" ۇلتتىق پورتالى
