Almaty oblysy vakınaııa jumystary boıynsha elimizde eń belsendi óńirlerdiń qatarynda. Búginde jetisýlyqtardyń 70 paıyzǵa jýyǵy ekpe qabyldaǵan. Bul týraly "Jetisý" gazeti habarlady. Qazirgi kezde oblysta vakınanyń 1-komponentinen 81 223 doza jáne ekinshi komponentinen 149 138 doza qalǵan. 823 797 (69%) adam vakınanyń birinshi komponentin, ekinshisin 746 691 (62%) alǵan.
Almaty oblystyq sanıtarlyq-epıdemıologııalyq departamenti ókilderiniń aıtýynsha, jyl basynan beri aımaqqa ekpeniń birinshi dozasynan 905 020, ekinshi dozasynan 895 150 dana jetkizilgen. Aıta keteıik, oblysta Balqash jáne Aqsý aýdanynyń turǵyndary 100 paıyz ekpe qabyldaǵan. Óńirlerde vakınaııa boıynsha eshqandaı shaǵym túspegen, ekpe jumysy josparmen júzege asýda. Oblysta 244 ekpe pýnkti bar. Onyń 80-i jyljymaly.
Búginde turǵyndardyń basym kópshiligi indetti toqtatýdyń jalǵyz amaly - ekpelený ekenin túsingen. "Vakınalaý bastala salyp biz, zaıybym ekeýmiz alǵashqylardyń biri bolyp kelip, ekpe qabyldadyq. Adamdardyń neden qorqatynyn túsinbeımin. Ártúrli jel sózderge senbeý kerek. Vırýstan saqtanǵan qaıta jaqsy emes pe? Byltyr indet órshigen jazda ekpe qashan shyǵady dep saryla kútip edik. Ózimizdiń de, ózgeniń densaýlyǵyn oılaý mańyzdy!" - deıdi Taldyqorǵan qalasynyń turǵyny Jeken Óteshov.
Kóksý aýdanynyń turǵyny Albına Atanasova da osy pikirde. Ol adamdardy indetke salǵyrt qaramaýǵa shaqyrdy. "Koronavırýs qana emes, kez kelgen aýrýdy toqtatatyn vakına emes pe? Men óz erkimmen eki komponentti de saldyryp aldym. Endi qaıta ekpelenýdi kútip júrmin", - deıdi kóksýlyq turǵyn.
Qazirgi tańda oblysta ekpege qatysty túsindirý jumystary jalǵasýda. Jýyrda "El úshin egilemin" azamattyq shtaby Taldyqorǵanǵa kelip, turǵyndarmen kezdesti. Olar indetpen kúres, ekpe alý, onyń paıdasy týraly el arasynda resmı aqparat taratady.
Eske salaıyq, búgin túnde Qazaqstanǵa Pfizer ekpesiniń alǵashqy partııasy jetkizildi. Almaty oblysynda AQSh ǵalymdary jasaǵan vakınany saqtaý úshin tońazytqyshtar jasaqtalýda. Bul ekpe 12-18 jas aralyǵyndaǵy balalar men jasóspirimderge, júkti jáne laktaııa kezeńindegi áıelderge arnalǵan.
"Adyrna" ulttyq portaly
