Almaty oblysy vaksinasiia jūmystary boiynşa elımızde eŋ belsendı öŋırlerdıŋ qatarynda. Bügınde jetısulyqtardyŋ 70 paiyzǧa juyǧy ekpe qabyldaǧan. Būl turaly "Jetısu" gazetı habarlady. Qazırgı kezde oblysta vaksinanyŋ 1-komponentınen 81 223 doza jäne ekınşı komponentınen 149 138 doza qalǧan. 823 797 (69%) adam vaksinanyŋ bırınşı komponentın, ekınşısın 746 691 (62%) alǧan.
Almaty oblystyq sanitarlyq-epidemiologiialyq departamentı ökılderınıŋ aituynşa, jyl basynan berı aimaqqa ekpenıŋ bırınşı dozasynan 905 020, ekınşı dozasynan 895 150 dana jetkızılgen. Aita keteiık, oblysta Balqaş jäne Aqsu audanynyŋ tūrǧyndary 100 paiyz ekpe qabyldaǧan. Öŋırlerde vaksinasiia boiynşa eşqandai şaǧym tüspegen, ekpe jūmysy josparmen jüzege asuda. Oblysta 244 ekpe punktı bar. Onyŋ 80-ı jyljymaly.
Bügınde tūrǧyndardyŋ basym köpşılıgı ındettı toqtatudyŋ jalǧyz amaly - ekpelenu ekenın tüsıngen. "Vaksinalau bastala salyp bız, zaiybym ekeumız alǧaşqylardyŋ bırı bolyp kelıp, ekpe qabyldadyq. Adamdardyŋ neden qorqatynyn tüsınbeimın. Ärtürlı jel sözderge senbeu kerek. Virustan saqtanǧan qaita jaqsy emes pe? Byltyr ındet örşıgen jazda ekpe qaşan şyǧady dep saryla kütıp edık. Özımızdıŋ de, özgenıŋ densaulyǧyn oilau maŋyzdy!" - deidı Taldyqorǧan qalasynyŋ tūrǧyny Jeken Öteşov.
Köksu audanynyŋ tūrǧyny Albina Atanasova da osy pıkırde. Ol adamdardy ındetke salǧyrt qaramauǧa şaqyrdy. "Koronavirus qana emes, kez kelgen aurudy toqtatatyn vaksina emes pe? Men öz erkımmen ekı komponenttı de saldyryp aldym. Endı qaita ekpelenudı kütıp jürmın", - deidı köksulyq tūrǧyn.
Qazırgı taŋda oblysta ekpege qatysty tüsındıru jūmystary jalǧasuda. Juyrda "El üşın egılemın" azamattyq ştaby Taldyqorǧanǧa kelıp, tūrǧyndarmen kezdestı. Olar ındetpen küres, ekpe alu, onyŋ paidasy turaly el arasynda resmi aqparat taratady.
Eske salaiyq, bügın tünde Qazaqstanǧa Pfizer ekpesınıŋ alǧaşqy partiiasy jetkızıldı. Almaty oblysynda AQŞ ǧalymdary jasaǧan vaksinany saqtau üşın toŋazytqyştar jasaqtaluda. Būl ekpe 12-18 jas aralyǧyndaǧy balalar men jasöspırımderge, jüktı jäne laktasiia kezeŋındegı äielderge arnalǧan.
"Adyrna" ūlttyq portaly
