ءماجىلىس دەپۋتاتى داريعا نازارباەۆا رەسەيدىڭ سىرتقى ىستەر ءمينيسترى سەرگەي لاۆروۆتىڭ «قازاقستاندا ورىستىلدىلەرگە قاتىستى كسەنوفوبياعا كۋا بولدىق» دەگەن ۋاجىنە بايلانىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى zakon.kz پورتالىنا سىلتەمە جاساپ.
لاۆروۆ قازاقستان مەن رەسەيدىڭ قارىم-قاتىناسى جونىندەگى 9 قاراشا كۇنى «روسسيسكايا گازەتا» باسىلىمىندا جارىق كورگەن ماقالاسىندا وسىنداي پىكىر ايتقان.
«رەسەيدىڭ وزىندە دە «كسەنوفوبيا كورىنىسى» كەزدەسەتىنىن ايتقان دەپۋتات نازارباەۆا تۇرمىستاعى جەكەلەگەن ۇلتشىلدىققا بولا رەسەيدىڭ ەڭ جوعارى دەڭگەيىنەن وسىنداي ءسوزدىڭ ايتىلعانىنا شىن وكىنەمىن. ونداي ءبىزدىڭ ەلدە دە، وزگە مەملەكەتتەردە دە بولىپ تۇرادى. بۇل رەاكتسيا كوپ قازاقستاندىقتى تاڭقالدىرادى جانە كوڭىلىن تۇسىرەدى» — دەدى ول.
ونىڭ ايتۋىنشا، قازاقستاندا جۇزدەن اسا ۇلت وكىلى ءومىر سۇرەدى، كونستيتۋتسيادا ورىس ءتىلىنىڭ ستاتۋسى جازىلعان، ورىس ءتىلى مەكتەپتە، كوللەدج بەن ۋنيۆەرسيتەتتەردە وقىتىلادى جانە ميلليونداعان قازاقستاندىق ورىس اينالاسىنان ەشقانداي «كسەنوفوبيا» كورمەيدى.
”ادىرنا” ۇلتتىق پورتالى
