رەسەي بيلىگى «استراحان — قازاقتىڭ جەرى» دەپ مالىمدەمە جاساعان ەر ادامنىڭ ۇستىنەن قىلمىستىق ءىس قوزعادى، دەپ حابارلايدى «ادىرنا» ءتىلشىسى.
ول قازاقستان حالقىن جاريا تۇردە تەرروريزمگە شاقىرىپ، رەسەي اۋماعىندا لاڭكەستىك ارەكەتتەر جاساۋعا ۇندەۋ تاستاعانى ءۇشىن كۇدىكتەلىپ وتىر.
«استراحان وبلىسىنىڭ تۇرعىنى سەرگەي ت.-عا رەسەي قىلمىستىق كودەكسىنىڭ 205.2-بابى 2-بولىگى (تەرروريزمدى ناسيحاتتاۋ) بويىنشا قىلمىستىق ءىس قوزعالدى»،—دەلىنگەن حابارلامادا.
بۇعان دەيىن ەر ادام الەۋمەتتىك جەلى ارقىلى قازاقستاندىقتارعا بەينەۇندەۋ جولداعان ەدى.
«استراحان – ەجەلگى قازاق جەرى. وسى مۇمكىندىكتى پايدالانىپ، ونى ءپۋتيننىڭ فاشيستىك بيلىگىنەن ازات ەتىڭىز»،—دەدى ول.
