بۇل - «شىمكەنت» ورتالىق سۋ-سپورت كەشەنى. ءال-فارابي اۋدانى، قازيەۆ كوشەسى 2ۆ مەكەن-جايىندا ورنالاسقان. مۇندا جۇزۋدەن وقۋ-جاتتىعۋ جيىندارى مەن سپورتتىق جارىستار وتەدى.
قالادا جاستار اراسىندا ءجۇزۋ مەن گيمناستيكا كەڭ تاراعاندىقتان، قالا اكىمى مۇنداي سپورت كەشەندەرىن كوپتەپ سالۋ قاجەتتىگىن ايتقان بولاتىن.
ورتالىق سۋ كەشەنىنىڭ جالپى اۋدانى 5555 شارشى مەتر. ءجۇزۋ الاڭى، اسحانا، مەديتسينالىق كابينەت، ترەناجەر زالى، 2 كيىم اۋىستىراتىن بولمە، 725 كورەرمەنگە ارنالعان ورىندىق بار. 2012 جىلى پايدالانۋعا بەرىلگەن.
سەگىز ءجۇزۋ جولاعى بار. ءبىر مەزەتتە 96 سپورتشىنى قابىلداۋعا مۇمكىندىگى بار.
