قاراعاندىدا جارتى جىلدان استام ۋاقىت بويى كامەلەتكە تولماعان وگەي قىزىن زورلاعان پەدوفيل سوت ۇكىمىن وزگەرتۋدى سۇراعان، دەپ حابارلايدى “ادىرنا” ۇلتتىق پورتالى stan.kz اگەنتتىگىنە سىلتەمە جاساپ.
ول 12,5 جىلعا سوتتالعان ەدى. الايدا اپەللياتسيا القاسى سوت شەشىمىن ءادىل دەپ تاۋىپ، ۇكىمدى وزگەرىسسىز قالدىردى.
سوت ءىستىڭ ءمان-جايىن دۇرىس انىقتادى. 2019 جىلدىڭ قاڭتار ايىنان باستاپ 2019 جىلدىڭ 27 تامىزىنا دەيىن تۇنگى ۋاقىتتا م. 2004 جىلى تۋعان كامەلەتكە تولماعان وگەي قىزىنىڭ جاتىن بولمەسىنە جۇيەلى تۇردە كەلىپ، جىنىستىق سيپاتتاعى زورلىق-زومبىلىق ارەكەتتەرىن جاساعان.
«سوت سوتتالعان ادامعا جاسالعان قۇقىق بۇزۋشىلىقتىڭ قوعامدىق قاۋىپ سيپاتى مەن دارەجەسىن، ونىڭ جەكە باسىن، قىلمىستىق جاۋاپكەرشىلىك پەن جازانى جەڭىلدەتەتىن ءمان-جايدى ەسكەرە وتىرىپ، جاسالعان ارەكەتكە مولشەرلەس قىلمىستىق زاڭ بابىنىڭ سانكتسياسى شەگىندە جازا تاعايىندادى»، — دەپ حابارلادى وبلىستىق سوتتىڭ ءباسپاسوز قىزمەتى.
بۇل ءمان-جاي كامەلەتكە تولماعان جابىرلەنۋشىنىڭ، ونىڭ زاڭدى وكىلىنىڭ، كۋالاردىڭ ايعاقتارىمەن، ساراپتاما قورىتىندىسىمەن جانە ءىستىڭ باسقا دا ماتەريالدارىمەن راستالادى.
سونداي-اق، سۋديا ايىپتالۋشىنىڭ ەكى جاس بالاسى بار ەكەنىن ەسكەردى. بۇل جايتتى سوت قىلمىستىق جاۋاپكەرشىلىك پەن جازانى جەڭىلدەتەتىن سەبەپ دەپ تانىدى.
م-نىڭ قىلمىستىق ارەكەتى 2019 جىلدىڭ تامىزىندا اياقتالدى جانە وسى كەزەڭدە قك 121-بابىنىڭ 3-بولىگىنىڭ 1-تارماعىنىڭ 2-تارماعىنىڭ سانكتسياسى 12 جىلدان 15 جىلعا دەيىن باس بوستاندىعىنان ايىرۋ تۇرىندەگى جازانى قاراستىردى.
جەڭىلدەتەتىن جانە اۋىرلاتاتىن ءمان-جاي بولعان كەزدە ەڭ ۇزاق مەرزىم 12 جىل 7 اي باس بوستاندىعىنان ايىرۋدان (15 جىلدان 3/4) اسپاۋى ءتيىس.
سوت ۇكىمى زاڭدى كۇشىنە ەندى.
“ادىرنا” ۇلتتىق پورتالى
