اتىراۋدا ءوز قىزىن ءبىر جىل بويى زورلاپ كەلگەن ەر ادام 15 جىلعا باس بوستاندىعىنان ايىرىلدى، - دەپ حابارلايدى "ادىرنا" ءتىلشىسى "موي گورود" باسىلىمىنا سىلتەمە جاساپ.
قىلمىستىق ىستەر جونىندەگى مامانداندىرىلعان اۋدانارالىق سوتىندا ءوز قىزىنا ۇزاق ۋاقىت بويىنا قورلىق جاسادى دەپ ايىپتالعان ەر ادامعا قاتىستى ۇكىم شىقتى. ول سونداي-اق ۇيىندە وق-دارىلەردى زاڭسىز ساقتاعان.
«سوتتالۋشىنىڭ كىناسى كۋاگەرلەردىڭ، جابىرلەنۋشىنىڭ ايعاقتارىمەن، ساراپتاما ناتيجەلەرىمەن جانە بەينە جازبالارمەن تولىق دالەلدەندى»، - دەپ حابارلادى وبلىستىق سوتتىڭ ءباسپاسوز قىزمەتى.
سوت ۇكىمىمەن ەر ادام قىلمىستىق كودەكستىڭ 124 جانە 287-باپتارى – «كامەلەتكە تولماعانداردى قورلاۋ» جانە «قارۋدى، وق-دارىلەردى، جارىلعىش زاتتاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا قىلمىستاردى جاساعانى ءۇشىن كىنالى دەپ تانىلدى.
ەر ادام ءوز جازاسىن قاتاڭ رەجيمدەگى كولونيادا وتەۋ ءۇشىن 15 جىلعا باس بوستاندىعىنان ايىرىلدى دەپ حابارلاندى. سونداي-اق ءومىر بويىنا ۇستازدىق قىزمەت اتقارۋعا جانە كامەلەتكە تولماعاندارمەن جۇمىس ىستەۋگە تىيىم سالىندى. سوتتىڭ ۇكىمى زاڭدى كۇشىنە ەندى.
بۇعان دەيىن قاراعاندىدا 15 جاسار وگەي قىزىن التى ايدان استام ۋاقىت بويى زورلاعان پەدوفيل تۋرالى حابارلانعان بولاتىن. ول 12,6 جىلعا باس بوستاندىعىنان ايىرىلدى.
"ادىرنا" ۇلتتىق پورتالى
