Qaraǧandyda jarty jyldan astam uaqyt boiy kämeletke tolmaǧan ögei qyzyn zorlaǧan pedofil sot ükımın özgertudı sūraǧan, dep habarlaidy “Adyrna” ūlttyq portaly stan.kz agenttıgıne sılteme jasap.
Ol 12,5 jylǧa sottalǧan edı. Alaida apelliasiia alqasy sot şeşımın ädıl dep tauyp, ükımdı özgerıssız qaldyrdy.
Sot ıstıŋ män-jaiyn dūrys anyqtady. 2019 jyldyŋ qaŋtar aiynan bastap 2019 jyldyŋ 27 tamyzyna deiın tüngı uaqytta M. 2004 jyly tuǧan kämeletke tolmaǧan ögei qyzynyŋ jatyn bölmesıne jüielı türde kelıp, jynystyq sipattaǧy zorlyq-zombylyq äreketterın jasaǧan.
«Sot sottalǧan adamǧa jasalǧan qūqyq būzuşylyqtyŋ qoǧamdyq qauıp sipaty men därejesın, onyŋ jeke basyn, qylmystyq jauapkerşılık pen jazany jeŋıldetetın män-jaidy eskere otyryp, jasalǧan äreketke mölşerles qylmystyq zaŋ babynyŋ sanksiiasy şegınde jaza taǧaiyndady», — dep habarlady oblystyq sottyŋ baspasöz qyzmetı.Būl män-jai kämeletke tolmaǧan jäbırlenuşınıŋ, onyŋ zaŋdy ökılınıŋ, kuälardyŋ aiǧaqtarymen, saraptama qorytyndysymen jäne ıstıŋ basqa da materialdarymen rastalady. Sondai-aq, sudia aiyptaluşynyŋ ekı jas balasy bar ekenın eskerdı. Būl jaitty sot qylmystyq jauapkerşılık pen jazany jeŋıldetetın sebep dep tanydy. M-nyŋ qylmystyq äreketı 2019 jyldyŋ tamyzynda aiaqtaldy jäne osy kezeŋde QK 121-babynyŋ 3-bölıgınıŋ 1-tarmaǧynyŋ 2-tarmaǧynyŋ sanksiiasy 12 jyldan 15 jylǧa deiın bas bostandyǧynan aiyru türındegı jazany qarastyrdy. Jeŋıldetetın jäne auyrlatatyn män-jai bolǧan kezde eŋ ūzaq merzım 12 jyl 7 ai bas bostandyǧynan aiyrudan (15 jyldan 3/4) aspauy tiıs. Sot ükımı zaŋdy küşıne endı.
“Adyrna” ūlttyq portaly
Ūqsas jaŋalyqtar
